Ørsta kommune deltek i eit treårig utviklingsarbeid i regi av Helsedirektoratet om Nærmiljø og lokalsamfunn som fremjar folkehelse.
Bakgrunnen for prosjektet er implementering av folkehelselova, som skal bidra til ei helsefremjande samfunnsutvikling, og i dette utjamnar sosiale helseskilnadar.
Målet med seminaret komande måndag er å få ei felles forståing og auka kompetanse på korleis og om vi kan løyse nokre folkehelseutfordringar gjennom reguleringsplanen for Ørsta sentrum. Invitasjon til seminaret har gått til politikarar, administrativt tilsette, næringsutviklarar og næringsdrivande.
Sjefsarkitekt og byplanleggar i Arendal kommune, Michael Fuller-Gee, kjem for å snakke om korleis skape eit helsefremjande sentrum. Tone Helen Jørgensen, som er rådgjevar i Vestfold fylkeskommune, kjem for å snakke om kvifor medverknad er viktig for å lykkast.