Småjobbsentralen

Småjobbsentralen er eit arbeds- og aktivitetstilbod i regi av tenesta for psykisk helse og rus. For å delta må ein ha søkt vedtak for oppfølging i forhold til si psykiske helse og/eller rusutfordringar.

Vi tek på oss mindre arbeidsoppdrag av kortare varigheit.
Vi held til saman med Møteplassen aktivitetssenter og -Kafe på Viketunet.
Vi har opent fire dagar i veka: mandag, tysdag, torsdag og fredag 10-14.

Kva gjer vi?

Vaktmeisterteneste.: lettare hagearbeid/rydding (plenklipping, beskjæring av hekk og tre og bortkøyring av hageavfall)
Snømåking/rydding
Lettare flytteoppdrag
Dekkskift
Maleoppdrag (innandørs og utandørs)

Eventuelt andre oppdrag etter avtale. Timepris kr 300. For større eller meir langvarig arbeid kan vi avtale pris etter avtale. Vi tilbyr faktura og/eller Vipps.

Aktivitetsplikt

1. januar 2017 innførte NAV vilkår om aktivitet (aktivitetsplikt) ved tildeling av økonomisk stønad til personar under 30 år. Føremålet med aktivitetsplikta er å styrke den enkelte si moglegheit for overgong til arbeid eller utdanning. Kommunane har ei plikt til å ta i mot personar på aktivitetsplikt og gi desse eit tilbod, her har Småjobbsentralen ein viktig rolle i Ørsta kommune. Les meir

Kommunal utlånssentral

Småjobbsentralen tok våren 2019 over drifta frå Frivilligsentralen, og har no utvida tilbodet om utlån av friluft- og vinterutstyr.