Føremålet med SMIL-tilskotet er mellom anna å:
- Motverke attgroing og tap av biologisk mangfald
- Fremje beitebruk
- Redusere risiko for erosjon og avrenning til sårbare vassdrag (t.d. eparere hydrotekniske anlegg, forsterke elveforbygging)
- Hindre ureining frå jordbruket frå areal, fôr- og gjødsellager
- Hindre forfall og sette i stand eldre, verneverdige bygningar
- Ta vare på viktige kulturminne og kulturmiljø, og andre element i kulturlandskapet.
- Tilrettelegging for ferdsel og opplevingar i kulturlandskapet.
- Fjerne piggtråd frå inn- og utmark. 15 kr per meter.
Døme på tiltak:
- Beiterydding. Det vert rydda, gjerda og beita med husdyr i etterkant.
- Opprusting av eldre bygningar, også seterhus.
- Rydding av kanalar
- Tilrettelegging for ferdsel i inn og utmark.
Tilskotet er 40–70 % av kostnad. Arbeidsfristen er 3 år og kan forlengast med 2 år.
Slik søkjer du
Hovudsøknadsfristen er 1. februar kvart år, men det er høve til å søkje heile året. Ørsta og Volda kommune får ca 500 000,- til utdeling kvart år.
Søknadskjema i Altinn
Eigar eller drivar kan søkje. Det er utarbeidd lokale retningslinjer med satsar for arbeid.
Kommunen avgjer søknaden om tilskot og prioriterer søknader som ligg innafor retningslinjene til kommunen.