For å ha rett og plikt til introduksjonsprogrammet er det ein føresetnad at ein er busett i ein kommune etter avtale med Integrerings- og mangfoldsdirektoratet (IMDi), eller er familiesameint med ein som er busett. I tillegg må ein ha behov for grunnleggande kvalifisering.
Når ein deltek i introduksjonsprogram, har ein krav på introduksjonsstønad. På årsbasis utgjer dette to gonger folketrygda sitt grunnbeløp. Deltakar under 25 år mottek 2/3 stønad.
Programmet skal være heilårleg og på fulltid, og kan ved behov vare i inntil 2 år. I særlege tilfelle kan introduksjonsprogrammet bli utvida til inntil 3 år.
Programmet skal minst innehalde opplæring i norsk og samfunnskunnskap samt førebuing til deltaking i arbeidslivet.
Det skal utarbeidast ein individuell plan med bakgrunn i den enkelte sitt opplæringsbehov.
Målgruppe:
Nyankomne flyktningar mellom 18 og 55 år som har behov for grunnleggande kvalifisering, som har eit av følgjande opphaldsgrunnlag:
- Asyl
- Overføringsflyktningar med innreiseløyve
- Innvilga opphalds- eller arbeidsløyve med sterke menneskelege omsyn etter søknad om asyl
- Familiesameining med personar i dei ovanfornemnde gruppene som ikkje har vore busett meir enn 5 år
Om søknadsprosessen
Søknad fremjast til flyktningkontoret i Ørsta kommune.
Kommunen har plikt til å tilrettelegge introduksjonsprogram så snart som mogleg og innan tre månader etter busetting.