«Dette er ein gledens dag», seier ordførar Stein Aam.
Vi vil no nytte tida framover til å få på plass kontrakt med entreprenør og andre formalitetar slik at vi er klar til å sette spada i jorda så snart det er mogleg.
Ørsta kommune vil takke alle grunneigarar for at dei ser viktigheita av å få gjennomført dette trafikktryggingstiltaket.
Vedtak i Samferdselsutvalet
Fyrste mars 2023 vart følgjande vedteke i Samferdselsutvalet i fylket: «Samferdselsutvalet ser at det er rom for å dekke den fylkeskommunale delen av gang- og sykkelvegprosjektet fv. 655 Melsgjerdet – Mosflatevegen (rekna til 8,43 mill. kroner) innanfor vedtatt investeringsramme i 2023, og det er dermed ikkje behov for kommunal forskottering fram til 2026.»
Strekninga Åmas–Vatnevegen
Samferdselsutvalet ber og om at planlegginga av den vidare gang- og sykkelveg held fram i 2023. Slik at det opnar opp for moglegheita for å bli gang- og sykkelveg frå Åmås til Vatnevegen ved neste rullering av økonomiplanen.