Kommunen sin Trafikktryggingsplan er ein tiltaksplan for heile kommunen. Vidare har vi utforma fokusområder for trafikktryggingstiltak knytt til nye Velle skule som opnar til hausten – for å gjere elevane sin skuleveg så trafikktrygg som mogleg.
Bakgrunn
Formannskapet ber om en orientering knytta til gjennomførte og planlagde trafikktryggingstiltak i sentrumsområdet, særlig med omsyn til nye Velle skule. I kommunestyret 15. juni 2023 var det samrøystes vedteke på å forskyve investering på 1,8 millionar Fremre Mo til følgande tiltak:
- 1 million kroner for å sikre trafikktrygging skoleveg til fellesskule.
- 800 000 kroner til trafikktrygging av krysset Mosmarkvegen/Dalevegen.
Gjennomførte tiltak
Gatelys i Anders Hovden-gata er oppgraderte, og det er etablert internsivbelysning i gangfelt
- Ny parkeringsplass og gangveg ved Velle skule
- Skiltregulering ved Ørstahallen: nye droppsoner rundt rundkjøringa
Den nye parkeringsplassen ved Velle skule og Ørstahallen.
Ørsta kommune
Enda parkeringsmønster ved Ørstahallen, med droppsoner rundt rundkjøringa. NB! Legg merke til kva retning bilen skal stå ved stans i droppsone.
Kunnskapsgrunnlag
Det vart gjennomfør ei “Barnetrakk”-analyse for ca eitt år sidan, for Vikemarka, Velle og Vartdal skule. Den har gitt oss mykje god informasjon.
Det er også gjort ei analyse som fortel kva som er kortaste veg til skulen. Dette er ei teoretisk analyse, og vi veit at i praksis (etter dialog med FAU mfl.) kan borna velje andre vegar. Det kan vere vegar som vert opplevd kortare eller tryggare, eller som går forbi huset til ein ven, o.l.
Kortsiktige tiltak
Vi prøver å gjere mest mogleg før opning og skulestart i august, og med eit langsiktig perspektiv på forbetringar for trafikktrygg skuleveg til alle skulane i kommunen.
Kartet viser prioriterte ruter, som bør vere trygge skulevegar. Raude: Ruter der det er lite tilrettelegging i dag. Blå: Ruter som er meir tilrettelagt, t.d. med fortau, gangveg eller stikkvegar med lite trafikk.
Dalevegen er fylkesveg, så her skal primært fylkeskommunen gjennomføre tiltak, alternativt i eit samarbeid eller ein gjennomføringsavtale . Det er sett opp eit møte med fylkeskommunen 14. februar der utfordringane på fylkesvegane blir diskutert; Dalevegen og Mosmark-krysset, og i tillegg nokre utfordringar på Sæbø.
Utfordringar:
- 4-5 punkt knytt til viktige kryssingar i Håkonsgata. Løysingar på utfordringane kan vere nye gangfelt og lågare fartsgrense.
- 3 punkt på Dalevegen. Det skal diskuterast løysingar med fylkeskommunen
- Mosmark-krysset, løysingar kan vere å utbetre gangfelt, fartshump og betre belysning – men dette må avklarast med fylkeskommunen. I tillegg har kommunen formidla at vi ønskjer eit gangfelt på austsida av krysset, mot Rosså-brua
- Nekken, kan vere ei tryggare rute/alternativ for borna som har E39 som kortaste skuleveg
- Krysset Anders Hovden-gata/Holmegata (ved Ørstahallen), forbetre krysset - aktuelle tiltak må sjåast i lys av den totale trafikkfordelinga i området; rundkøyringa, næringsinteresser, framkome for mjuke trafikkantar osb.
- Der Vikegeila møte E39, uoversiktleg – ønske om tiltak til å gjere tryggare
Tiltak på lenger sikt
På lengre sikt vil kommunen prioritere enkeltpunkt og områder med utfordringar med tanke på skuleveg.
Nokre områder med utfordringar:
- Vallageila
- Vinjevoll/Grepalida
- Krysset ved Kiwi/Vallabøen
- Mosmark-krysset
Ørsta kommune