Veke 38: Nytt frå brannvaktaBrann- og redningsloggen 19.09.23 – 26.09.2318:00 – 20:00 Onsdag øvde vaktlag 1 og 2 på elveredning. Ved hendingar i vatn vert brannvesenet utkalla og må då ha kunnskap og utstyr for å hente personar og dyr opp frå vatn. Senariet for øvinga var person hadde fått foten fast i elva midt i ein foss. Oppgåva var å ta seg ut til vedkomande med båt og hente personen opp av vatnet. For å styre båten var det plassert ein overflatereddar på kvar side av elva som styrte båten med tau. Fokus for øvinga var eigentryggleik og sikker uthenting.16:00 – 17:30 Fredag hadde vaktlag 3 kontroll av utstyr og bilar, samt gjennomgang av brann i driftsbygning og sikker oppsetting og sikring av stige. Ved ein brann i ei driftsbygning vil det vere mange faktorar som påverkar korleis brannpersonellet angrip brannen. Dyr, kompliserte konstruksjonar, maskiner, uforutsigbare planløysingar, farlege stoff, m.m.11:00 – 14:00 Laurdag var det open dag på brannstasjonen i Ørsta. Det var spyling med brannslange, konkuranse med flotte premiar, moglegheita til å sitte i og sjå på brannbilar, demonstrasjon av frityrbrann, besøka av Bjørnis og gratis vafler, saft og kaffi til alle.