14:51 Fredag rykte ØBR ut til trafikkulukke ved rådhuset. Framme på staden kom det fram at ein motorsykkel hadde kollidert med ein syklist. Ein av dei første på staden var tilfeldigvis ein deltidsbrannmann frå ei anna kommune. Han var raskt i gang med å sjå til ein av dei involverte. Brannmannskapet tok hand om dei to involverte og sperra vegen for trafikk. Ambulanse kom på staden og tok hand om dei involverte. Brann rydda vegbana og opna vegen att.
16:00 – 17:30 Fredag hadde vaktlag 4 kontroll av utstyr og bilar, samt øving på farleg stoff. Ved hendingar med farlege stoff er det brannmannskapet som rykker ut for å ta hand om det. På Sunnmøre har vi eit samarbeid med alle brannvesena. På Søre Sunnmøre er det Ørsta og Herøy som har utstyr og kjemikaliedykkarar. Vi rykker ut til nabokommunane ved behov. Det er i den forbindelse ein del verneutstyr og tettingsutstyr ein må ha kontroll på.
21:36 Søndag rykte ØBR ut til trafikkulukke ved Morkabrua. Etter kvart kom det fram at hendinga var lengre nede i bakken etter Morkabrua. To motorsyklar hadde kollidert. Brannmannskapet sikra skadestaden og rydda vegbane medan ambulansen tok hand om dei involverte.