Veke 23: Nytt frå brannvakta Brann og redningsloggen 26.05.2020 – 02.06.2020 Publisert 09.06.2020 08:59 Sist endra 09.06.2020 09:00 16:00-17:30 Fredag hadde vaktlag 2 kontroll av utstyr og bilar, samt gjennomgang av overflateredningsutstyret. Ved hendingar i vatn vert brannvesenet utkalla og må då ha kunnskap og utstyr for å hente personar og dyr opp frå vatn. 12:35 Søndag rykte Ørsta brann og redning ut til melding om person hengande frå ripa på ein båt i Ørstafjorden. Det vart gjennomført søk med båt og helikopter. Søk vart avslutta etter at det ikkje var gjort nokon observasjonar som tyda på at nokon var i naud. 17:39 Måndag rykte Ørsta brann og redning ut til branntilløp i ATV i Hovdebygda. Brannen var sløkt av føraren sjølv.