Veke 34: Nytt frå brannvakta

• 13:35 Onsdag ettermiddag rykte vaktlag 2 ut til automatisk brannalarm frå verksemd i Ørsta sentrum. Alarmen skuldast støv i forbindelse med arbeid. Arbeidarar var bed om å varsle 110-sentralen ved slikt arbeid i forkant.
• 16:00 – 17:30 Fredag øvde vaktlag 3 kontroll av utstyr og bilar, samt bruk av hydrantar/kummar. Det finst mange typar hydrantar og kummar og det er ikkje kvar dag ein ser alle. Brannmannskapet er derfor av og til rundt og testar dei ulike typane som finst i Ørsta.
• 13:42 Laurdag ettermiddag rykte vaktlag 3 ut til automatisk brannalarm frå institusjon i Ørsta sentrum. På staden kom det fram at alarmen skuldast røyk frå steiking av pannekaker. Ingen brann. Brannmannskapet bistod med utlufting og tilbakestilling.
• 13:45 Laurdag rykte Vaktlag 3 ut til trafikkulukke i Åmdalen. Alarmen kom samtidig med forregåande alarm og vaktlaget måtte dele seg. Trafikkulukka var mellom varebil og motorsykkel. Ein person vart teke hand om av ambulansen. Brannmannskapet bistod helse, dirigerte trafikk, sikra kjøretøya og bistod politi med dokumentering av skadestad.
• 20:17 Søndag kveld rykte vaktlag 3 ut til automatisk brannalarm frå institusjon i Ørsta sentrum. På staden kom det fram at alarmen skuldast røyk frå matlaging. Brannmannskapet bistod med tilbakestilling.

Bilde frå øving med brannkummar og hydrantar. Ørsta brann og redning