Veke 35: Nytt frå brannvakta Brann- og redningsloggen 29.08.23 – 05.09.23 16:41 Tysdag rykte vaktlag 3 ut til automatisk brannalarm frå institusjon. Det kom raskt fram at alarmen skuldast røyk frå steiking. Brannkonstablane bistod med utlufting og tilbakestilling av alarm. Brannvesenet bistod denne veka med to akutte helseoppdrag. 17:20 Onsdag ettermiddag rykte innsatsleiarvakta ut til bål i nærleiken av skog. På staden kom det fram at bålet var heilt forsvarleg og nesten utbrent. 18:00 – 20:00 Onsdag var det storøving på Bondalen grendahus. Ungdomslaget stilde med om lag 20 markørar og brannvesenet frå Ørsta og Sæbø var med. Senariet var 16 sakna i samband med dataparty i lokala. Brannvesenet måtte øve på alt frå leiing til røykdykking. Svært lærerik øving. 16:00 – 17:30 Fredag hadde vaktlag 4 kontroll av utstyr og bilar, samt runde på brannhydrantar og kummar. Desse her hovudtilgangen brannvesenet har på vatn, det er derfor viktig at vi har gjennomgang av dei ulike typane og tek ei runde og kontrollerar at dei fungerar. 23:10 Fredag rykte vaktlag 4 ut til automatisk brannalarm frå institusjon i Ørsta sentrum. På staden var det ein del røyk i eit rom. Røyken skuldast svidd bakepapir i omn. Brannvesenet bistod med utlufting og tilbakestilling av alarmanlegg. 00:27 Søndag rykte innsatsleiar ut for å bistå med drone i søk etter bil i Volda. Ein bil hadde løyst ut naudknappen i bilen i området golfbana i Volda. Det var etter søket konkludert med at nokon må ha komt bort i knappen og angra seg og køyrd der i frå.