Veke 46: Nytt frå brannvakta Brann og redningsloggen 09.11.2021 – 16.11.2021 13:23 Onsdag rykte ØBR ut til automatisk brannalarm frå bedrift. Alarmen skuldast arbeid på staden. Ingen brann. 13:27 Onsdag rykte ØBR ut til trampoline tatt av vinden som hadde havna på E39. Brannmannskapet bistod med å fjerne trampolina og sikre den mot vinden. 13:50 Torsdag rykte ØBR ut til automatisk brannalarm frå Vartdal skule. Det vart tidleg avklart at alarmen skuldast matlaging. Ingen brann. 17:00 – 21:00 Torsdag øvde ØBR saman med politiet og helse på pågåande livstrugande vald. Ved hendingar med pågåande livstrugande vald rykker brann ut for å stanse personar før politiet er på staden. Og for å bistå helse med det akutte etter at gjerningsperson er tatt hand om av politiet. God samhandlingsøving med mange gode læringspunkt. 14:00 – 16:00 Torsdag øvde brannmannskapet ved Øye branndepot på sotbrann og sikring på tak. Når det oppstår brann i skorsteinen må ofte brannkonstablane opp på taket for å opne opp røykløpet og slokke brannen. Brannar er uforutsigbare og det er derfor viktig at ein sikrar seg mot fall om noko uforutsett skulle oppstå. Sikring av brannkonstablane kan ikkje gjerast på same måte som for anna arbeid på tak, der ein har tid til å etablere stilas. Ei øving der ein går gjennom sikringsrutinar og gjennomfører dei i rolige former er nyttig for å kunne gjere dette raskt ved ei sotbrann. 21:19 Tysdag rykte ØBR ut til trafikkulukke midt i sentrum. Ein bil hadde kollidert med ein anna. Brannmannskapet sikra mot brann, trafikkdirigerte og rydda opp. Alle dei involverte vart sjekka ut av ambulansepersonellet. Publisert av Øyvind Rødset Sist endra 12.01.2022 15:01