18:00 – 20:00 Tysdag kveld var det fysisk test for brannmannskapet. Brannmannskapet må årleg gjennom ein fysisk test for å sjå til at dei er i god fysisk form til å takle dei påkjenningane ein kan verte utsett for.
20:08 Tysdag kveld rykte ØBR ut til brann i bygning på Vartdal. Framme på staden vart E39 forbi staden stengd. Brannmannskapet tok hand om ein person som var brannskada og starta slokking av bygget. Det kom raskt fram at brannen hadde spreidd seg til takkonstruksjonen. Brannmannskapet fikk raskt kontroll på brannen og starta etterslokking og kontroll av temperatur.
00:33 natt til torsdag rykte ØBR ut i bistand til Politi ved institusjon i Ørsta. På staden møtte brannmannskapet person frå vaktselskap. Brannmannskapet kom seg inn i bygget og det kom fram at arbeid på heisa var årsak til alarm.
18:00-20:00 Torsdag øvde brannmannskapet på Sæbø på trafikkulukke og bilbrann. Under trafikkulukke er det mange ulike situasjonar ein kan kome ut for. Brannmannskapet er ofte først framme og må utføre alt frå stenging av trafikk og sikring av kjøretøy til akutt helsehjelp.
20:28 Torsdag kveld rykte ØBR ut til melding om skogbrann på Øye. Brannmannskap frå Ørsta, Sæbø, Øye og Hellesylt rykte ut. Meldar hadde sett det frå båt og plassering var litt uspesifikk. Når brannmannskapet på Øye var på staden fann ein kun eit bål. Ingen fare for spreiing til skog eller terreng. Utrykking avbrutt.