18:00 – 21:00 Onsdag øvde Vaktlag 3 og 4 på vassredning på Vekslet. Senarioet var to sakna i sjøen. Brannmannskapet fekk opp lyskastarar og starta søk i vatnet. Ein person var funne i oveflata, den andre på botnen. Søk og redning i vatn er ein krevjande operasjon, spesielt i vinterhalvåret med lite dagslys. Vi har ein del spesialutstyr knytt til dette som må øvast på om ein skal vere budd på slike hendingar.
16:11 Torsdag rykte Ørsta brann og redning ut til trafikkulykke ved Morkaåstunnelen. Framme på staden kom det fram at det hadde vore ein kraftig kollisjon mellom tre personbilar. Brannmannskapet sperra vegen og sikra kjøretøya mot brann. Ein person var sendt til Volda sjukehus.
16:00 – 18:00 Fredag øvde vaktlag 2 på tauredning/sikring. Ørsta er ei kommune med mange bratte fjellsider ,bruer, elveløp og anna krevjande terreng som gjer det nødvendig for brannvesenet å ha kunnskap om tauredning/sikring. Alt frå utforkøyring til personar og dyr som har gått seg fast.
19:42 Søndag kveld rykte Ørsta brann og redning ut til gneistar og flammar frå pipe på Vallabøen. Framme på staden kom det fram at det var ein pipebrann. Brannmannskapet starta sløkking og kontrollerte at det ikkje hadde spreidd seg frå skorsteinen til bygget. Brannen vart sløkt. Ingen personar skadd.
Bilete frå vassreninga onsdag: