Kommunane samarbeider med Volda og Ørsta demensforeining om kurset. Demensforeininga arbeider for å spreie informasjon om demens, hjelpe dei pårørande, og fremje best moglege livsvilkår for dei som vert ramma av demens.
Mål for pårørandeskulen:
- Gi pårørande auka kunnskap om demens.
- Gi grunnlag for at pårørande betre kan takle situasjonen sin.
- Betre kvaliteten på samværet med den sjuke, i heimesituasjon og på institusjon.
- Bidra til at pårørande får kjennskap til kva rettar dei har, og korleis ein får kontakt med hjelpeapparatet.
Program
Kurset er gratis og går over fire kveldar.
- torsdag 11. mars kl.18: Om å kommunisere med personar med demens.
- torsdag 18. mars kl.18: Friskliv og fysisk aktivitet - også for personar med demens!
- tysdag 23. mars kl.18: Om demens og konsekvensar av sjukdomen.
- torsdag 25. mars kl.18: Kva rettar har ein og kva tilbod finst i Ørsta og Volda?
Kvar samling har faglege innlegg med gode foredragshaldarar og tid til spørsmål og samtale. Kursstad denne gongen er Ørsta Røde Kors sine lokale i Strandgata 21. Gjeldande krav til avstand og smittevern vil bli fulgt under heile kurset. Les meir om kurset og programmet her.
Påmelding
Dersom du ynskjer å vere med på pårørandeskulen må du ta kontakt med ein av desse personane:
Astrid Dimmen (Volda kommune)
Kjersti Årøen (Ørsta kommune)
Ved påmelding treng vi namn og telefonnummer.
Frist for påmelding er 8. mars 2021