Skorgeura og Kvamsetelva på eksklusiv liste
Skorgeura og Kvamsetelva er med på den europeiske vernelista Emerald Network, som 2 av 568 norske naturområde. Noreg er av dei fyrste landa, utanom EU, som har fått godkjent områder i nettverket.
Vernelista skal sikre eit internasjonalt nettverk av dei viktigaste naturområda. Målet er å ta i vare leveområde til sjeldne artar og naturtypar. Det er eit fåtal av verneområda som kjem med, lista er såleis svært eksklusiv.
Ønskjer du å lese meir og/eller sjå kart over verneområda i Emerald Network, så kan du gå inn på Miljødirektoratet sine sider.
Publisert 18.12.2017 12:56