Samarbeid om busskur Denne veka kom det opp to nye busskur langs fylkesveg 655 i Bondalen. Desse er plassert ved Rekkedal og Stokke byggefelt. Om kort tid kjem det opp eit tredje busskur ved Valset. Utplasseringa av busskura er eit samarbeid mellom grendalaget på Sæbø, Ørsta kommune og Statens vegvesen. Grendalaget med Synnøve Rekkedal Hill i spissen tok først initiativ til å få nye busskur - dei skaffa gratis grunn frå grunneigarane for dei ulike punkta. Grunneigarane har sjølve opparbeid grunnen under busskura på dugnad, og fekk kr 30.000,- frå fylket i trafikktryggingsmidlar til å dekke kostnader til fyllmasser. Sjølve busskura er det Ørsta kommune som har betalt, montert og frakta på plass. Kommunen har og stått for prosjektleiinga og dialogen med Statens vegvesen, som er eigar av fylkesvegen. Kommunen er no i dialog med Statens vegvesen om å få sette opp nokre busskur til. Kontaktperson: Dag Jarle Aa 97 18 51 83 Dag.Jarle.Aa@orsta.kommune.no Publisert 25.01.2017 08:52