Kulturprisen 2023 vert tildelt Magne Ivar Sætre

Privat

Magne Ivar Sætre er ein viktig kulturberar. Mykje verdfull lokalhistorie er teke vare på gjennom kulturarbeidet han har gjort i ei årrekkje. Dette har kome heile Vartdalsstranda og Ørsta til gode. Han har mellom anna vore med i redaksjonen og skrive mange artiklar for «Minne frå Vartdalsstranda», årsskriftet til Vartdalsstranda sogelag sidan starten i 1997. 

Ørsta kommune vil verdsetje og heidre denne innsatsen med tildeling av kulturprisen 2023.

Kulturprisen er eit diplom og ei pengegåve på 20.000 kroner. Tildelinga skjer i kommunestyret 14. desember. Då vert også den formelle grunngjevinga presentert.