Ved fastsetting av fartsgrenser tek ein omsyn til 3 hovudkriterier; busetnad (tett eller spreidd busetnad), aktivitet (særleg talet på gåande og syklande) og separering mellom bilar og gåande/syklande (om det er fortau, gang-/sykkelveg eller ikkje). Dette er nærare beskrive i NA-rundskriv nr. 05/17 av 19. sept. 2005 for fartsgrenser i byer og tettsteder.
På bakgrunn av dette har Ørsta kommune lagt fram forslag om at det for deler av Grepalia vert ny fartsgrense, 30 km/t. Sjå kartskisse for detaljar. I følgje Statens vegvesen Handbok N300 Del 3, Trafikkskilt, skal 30-soneskilt supplerast med fysiske fartsdempande tiltak. Det er difor lagt inn to fartshumpar i skiltplanen, begge plasserte i Håkonsgata (sjå kartskisse).
I forslaget er det ikkje lagt inn 30-sone for nedre del av Grepalivegen eller for Håkonsgata frå krysset mot Grepalivegen til krysset mot Garvargata. Dette med bakgrunn i at ein her har fortau og/ eller gang- /sykkelveg langs gata. For å betre tryggleiken til gåande og syklande på desse strekningane ønskjer kommunen til å sette opp nye og fleire veglys på strekningane der ein vil behalde fartsgrense 50 km/t . Forslaget ligg no inne til høyring hå Regionvegkontoret.