Kapitel 2 i statusrapporten er gjengitt under.
Status syner følgjande hovudutfordringar:
1. Fleire born og unge har psykiske belastningar i form av at dei bekymrar seg, føler håpløyse, er stive og anspente og uroa over ting.
2. Forventningane i befolkninga til kommunal tenesteyting er større enn det kommunen har ressursar til å gje. Endring i befolkningssamansetning og sjukdomsbilde krev å finne ein god balanse mellom tradisjonell kommunal tenesteyting og tilrettelegging for å ivareta eiga helse.
3. Integrering av innflyttarar, innvandrarar, låginntektsfamiliar og andre vanskelegstilte grupper.
Kva bør ha fokus framover?
· Tverrfagleg samarbeid og tidleg innsats for å utjamne sosial ulikskap i helse
· Tverrfagleg samarbeid for å fremje psykisk helse og førebyggje mobbing og rus
· Styrke foreldre- og føresetterolla
· Styrke samarbeidet med frivillig sektor.
· Aktiv aldring (fysisk, psykisk, sosialt og åndeleg)
· Å fremje helse gjennom frisklivstenking, meistringsstrategiar og kvardagsrehabilitering
Nokre konkrete tiltak kan være:
· Godt kvalifisert og nok personell i barnehagar og skular
· Etablere frisklivssentral med lågtersel tilbod oppmot livsstilsjukdomar og psykisk uhelse
· Kommunepsykolog for å styrke psykisk helse
· Trygg ferdsel til skule og aktivitet (gang- og sykkelveg samt lyssetting for å førebygge ulykker og fremje aktivitet)
· Styrke lågterskeltilbod gjennom helsestasjons- og skulehelsetenesta
· Definere konkrete folkehelsemål i dei ulike verksemder i kommuneorganisasjonen og rapportere på måloppnåing i årsmeldinga.
Statusrapport over helsetilstand og påverknadsfaktorar i Ørsta 2015