Digital post
Dette betyr at du vil motta posten din frå kommunen i Altinn.no, E-boks eller Digipost så lenge du ikkje har reservert deg mot digital kommunikasjon.
Når du har registrert e-postadresse og mobilnummer i samband med innlogging til offentlege tenester på nett, til dømes i samband med mottak av skatteoppgjer, har du automatisk godkjent digital kommunikasjon med det offentlege.
Brev som ikkje vert lest i Altinn/Digipost/E-boks innan to dagar går vidare til sentral utskriftsleverandør. Du vil då motta brevet frå kommunen på papir i umerka konvolutt.
Vil du vite meir?
Meir informasjon om korleis oppdatere kontaktinformasjonen din, og eventuelt reservere deg, finn du på Norge.no.
Bedrifter og lag/organisasjonar med organisasjonsnummer har ikkje høve til å reservere seg. Desse vil automatisk få all post via Altinn.
Kvifor gjer vi dette?
-
Du som mottakar får brevet digital nærast med ein gong det er sendt frå kommunen.
-
Vanleg e-post er ikkje ein sikker måte å sende meldingar på. Når du får brev frå kommunen gjennom digital postkasse, vil meldinga vere kryptert fram til postkassa. Du loggar deg trygt inn via ID-porten for å lese brev vi har sendt.
-
Å sende eit brev digitalt i stadenfor på papir vil spare kommunen for utgifter til papir og porto.
-
Vi ønskjer å bidra til ein meir miljøbevisst kommunikasjon med våre innbyggjarar og næringsliv. Ved å sende ut brev digitalt vil vi spare miljøet for unødvendig papirbruk. Opnar du posten din digitalt i tide, er du også med på å spare regnskogen og miljøet elles.
Det vert spennande å sjå resultata av denne digitaliseringa.