Demensvennleg samfunn Ordførar Stein Aam signerte på kommunestyret i dag, 21. april avtale om at Ørsta kommune vil ta del i Nasjonalforeininga for folkehelse sitt landsdekkande prosjekt om eit demensvennleg samfunn. Ørsta kommune sitt demensteam presenterte seg på kommunestyremøtet i dag. Dei er åtte peronar som har dette i tillegg til sine vanlege arbeidsoppgåver. Teamet møtest to timar kvar månad. Dei orienterte om korleis eit pasientløp ofte er i dag og kva tiltak som kan settast inn for å gi hjelp før. Tidleg hjelp gir brukarane ein god livskvalitet og ein verdig alderdom i tillegg til at det er god ressursbruk for kommunen. Jørn Humberseth frå Volda og Ørsta demensforeining presenterte foreininga. Styret i foreininga er samansett av helsepersonell og pårørande. Han orienterte om demensvennleg samfunn der måla er: Forbedre forhold for dei med demente i kommunen. Gjer det enkalare å vere ein del av lokalsamfunnet. Konsekvensen er at dei kan bu heime lenger Auke kunnskapen og gi meir openheit kring demens Dei med demens skal føle seg nyttige i lokalsamfunnet/felleskapet. Demensforeininga kan halde kurs (1-2 timar) for drosjenæringa, kollektivtilsette, butikktilsette, servicekontor, biliotek, tannlege og andre som vil ha nytte av å vite kor ein best mogleg kan hjelpe demense i kvardagen. Publisert 21.04.2016 16:12