Det er eit musikkprosjekt mellom eldreinstitusjonar og barnehagar. Det er Sæbø barnehage og Hjørundfjordheimen som har dette ilag, og det skal vare i 3 år.
Oppstarten på prosjektet var etter sommarferien/tidleg haust, der tilsette frå begge arbeidsplassane har hatt fleire samlingar med musikkpedagog Øystein Salhus frå Høgskulen i Volda.
Det vart lagt vekt på lokale sangar, aktivitetar, rytme og instrument som skulle prøvast ut.
Den fyrste samling med born og eldre var i oktober, og det var reint rørande, fortel Elisabeth Dimmen frå Hjørundfjordheimen. Samlingane er på fellesstova, med like store gruppe med born og eldre. Samlingane skal ein ha ein dag i månaden i omlag ein time.
– Vi ser at dette er eit veldig bra tiltak som vi skal bygge vidare på i lang tid.
Elisabeth Dimmen
Hjørundfjordheimen