Arbeidsgruppa for E39 Ørstafjordkryssing. Referat frå møte 12.02.25.

Møterom Ørstafjord kl 12.30-14

Desse møtte:

• Per Are Sørheim, ordførar
• Karen Høydal, medl formannskapet
• Sigrun Vartdal, Ørsta Næringskontor
• Yngve Bøstrand, Bøstrand
• Svein Sunde, Gode Vegar
• Per Ivar Lied, Ørsta kommune (adm/ref)

Per Are Sørheim ønskte velkomen, og arbeidsgruppa gjekk gjennom desse punkta: 

1. Nytt sidan sist

• Dato for Vestlandsrådet sin samferdselkonferanse om ferjefri E39 er no sett til 12. juni, og blir arrangert i Bergen. Ordførar Per Are Sørheim tek sikte på å delta.
• Ordførar opplyste om at Høgre hadde vedtatt resolusjon frå fylkesårsmøtet der E39 Ørstafjordkryssinga eksplisitt er nemnt
• Møte i Loen 11.02.25 om rv 15 ny Strynefjellstunnel med arm til Geiranger. Statens Vegvesen har sett av 20 mill i planleggingsmidlar i 2025 etter at Stortinget gjorde vedtak om byggestart i første 6-årsperioden. Dette er positivt for Ørsta og regionen, og viser kor viktig prioriteringane i NTP er. Utan klare signal i NTP kunne ikkje Statens Vegvesen prioritert slike planleggingsmidlar. Planleggingstid er tre år og byggetid seks år. Planlegging og bygging av store samferdselprosjekt tek tid, og målretta arbeid med E39 Ørstafjordkryssing er derfor viktig.
• Voldatunnellen. Det har nyleg vore møte med Vegdirektoratet som framleis vurderer om Volda kommune må gjere nytt prinsippvedtak om bompengefinansiering.

2. Fjord til fjord- strategien

Gode tilbakemeldingar på presentasjonen som ordførar laga før nyttår, og som har vore vist ulike stadar. Presentasjonen viser fordelar og tidsinnsparingar samla for heile strekninga frå Sulafjorden i nord til Rogfast i sør. Positive tilbakemeldingar på å involvere og samle fleire kommunar også i Nordfjord og Vestland, for å løfte fram felles fordelar ved ferjefri E39. Arbeidsgruppa held fast ved denne strategien.

3. Møte med nærliggande kommunar/næringsliv om E39- Ørstafjordkryssing

I tillegg til den meir overordna strategien som framgår i pkt 2, drøfta arbeidsgruppa behovet for også å involvere dei næraste kommunane meir i E9 Ørstafjordkryssinga. Dette gjeld i første rekke Volda, Ulstein, Hareid, Herøy og Sula. Det er viktig at desse kommunane har informasjon om korleis situasjonen er med gjennomgangstrafikk i Ørsta sentrum, og tankane rundt Ørstafjordkryssing og kryssing av Vartdalsfjorden som del av heile ferjefri E39-aksen. Også lokale næringbedrifter, NHO og LO Møre og Romsdal bør blir inviterte.

Arbeidsgruppa meiner eit slikt informasjonsmøte vil vere positivt. Ordførar og Svein Sunde følgjer opp, og avklarer møtedato.

Utfordringar med framtidig bruk av Eiksundtunnellen bør også fram. Stigninga er ikkje i tråd med gjeldande EU-direktiv, det er ikkje plass til ny og breiare undersjøisk tunnell, og truleg vil det vere utfordringar i høve natur/kulturminne for eit evt Berknes-alternativ.

4. Status film

Per Are Sørheim har hatt vidare dialog med Håvard Krøvel-Velle, faglærar Medium og kommunikasjon ved Høgskulen i Volda. Medielinja har arbeidd noko med oppdraget, men har hatt fokus på andre oppdrag. Dei vil ta skikkeleg fatt på dette etter vinterferien, og planlegg å ha eit utkast ferdig i løpet av mars.

Her er svaret frå Statens Vegvesen på oversendinga av planprogrammet frå Ørsta kommune. 

Ordførar Per Are Sørheim sende 20.november brev til medlemmane i transportkomiteen på Stortinget om E39 Ørstafjordkryssinga. Her kan du lese e-posten.

• Ørsta kommune sendte 1. november 2024 forslag til Planprogram for E39 Ørstafjordkryssing med høyringssvar, til Statens Vegvesen for vidare oppfølging. 
• Les referatet frå møte i arbeidsgruppa.

Arbeidsgruppa for E39 Ørstafjordkryssing hadde møte 20. september.

Referat: 

Arbeidsgruppa for E39 Ørstafjordkryssing. Referat frå møte 20.09.24
Ørsta rådhus, møterom Ørstafjord

Desse møtte:
Per-Are Sørheim, ordførar
Karen Høydal, medl formannskapet
Sigrun Vartdal, Ørsta Næringskontor
Yngve Bøstrand, Bøstrand
Svein Sunde, Gode Vegar
Per Ivar Lied, Ørsta kommune (adm)

Per Are Sørheim ønskte velkomen, og foreslo dagsorden i tråd med møteinnkallinga:

Nytt medlem frå Ørsta Næringskontor

Kort presentasjon av Sigrun Vartdal, ny dagleg leiar for Ørsta Næringskontor.
Ho erstattar Odd Magne Vinjevoll i arbeidsgruppa.

Status sidan sist:

• Møtet i Volda 9.september

Rask runde frå alle i arbeidsgruppa som var til stades på møtet, der m.a. utbyggingsdirektør i Statens Vegvesen, Kjell Inge Davik, var til stades/innleia. Positivt møte, bra at ordførar presenterte Ørstafjordkryssinga på storskjerm for alle i møtet.

• Video E39 Ørstafjordkryssing

Ordførar orienterte kort om kontakt med medielinja ved Høgskulen i Volda og presentasjon av Ørstafjordkryssinga som muleg studentprosjekt. Arbeidsgruppa positiv til dette. Ordførar held vidare kontakt. Næringskontoret og Bøstrand følgjer opp muleg mindre finansiering

• Planprogram E39 Ørstafjordkryssing – oversending SVV

Oppfølging frå forrige møte. Kommunedirektør har laga sak til møte i formannskapet 26.september som tilrår å sende utkast til Planprogram over til Statens Vegvesen

• Møte i Vestlandsrådet

Til informasjon hadde Vestlandsrådet ferjefri E39 som sak på sist møte, og vedtok å intensivere felles arbeid om dette. AU i Vestlandsrådet følgjer opp, mellom anna ved å lage konferanse om temaet over nyttår. Vedtaket:  «Vestlandsrådet vedtek at rådet skal styrke engasjementet for ferjefri E39, og sette dette høgt på dagsorden. Vestlandsrådet gir Arbeidsutvalet mandat til å initiere og beslutte vidare satsingar, herunder /-etablering av arbeidsgruppe /-bestemme eventuell konferanse, innhald, deltakarar og opplegg / - behov for å kjøpe utredningar eksternt mht ringverknader og anna.»

Alliansebygging - korleis arbeide vidare for å løfte E39 i vår region

Ordførar la fram tanken om å lage ei samarbeidsgruppe for kommunane frå Sognefjorden til Sulafjorden for å løfte fram fjordkryssingsprosjekta og betre veg mellom «megaprosjekta». Dette gjeld prosjekt frå nord til sør som Vartdalsfjordkryssinga, Ørstafjordkryssinga, Voldatunnellen, tunnell Grodås, Byrkjelo-Svarstad- Våtedalen, tunnell Moskog, tunnell Hafstadfjellet, tunnell Vadheim. Aktulle kommunar med slike strekningar for E39 er Hareid, Ulstein, Ørsta, Volda, Stryn, Gloppen, Sunnfjord og Høyanger. Det er stor fokus på dei største megaprosjekta, både i media og med beslutningstakarar, men fleire prosjekt mellom desse er avgjerande for viktige næringsregionar for å korte ned reisetida, knyte regionane saman og meir trafikksikker veg. Arbeidsgruppa drøfta dette utfrå presentasjon framlagt i møtet. Utbetringar av desse strekningane vil gi mest redusert reisetid av prosjekta, frå 4,5t til 3t, og korte avstanden frå 280 km til 200 km. Stikkord er raskt og realiserbart.

Arbeidsgruppa var positiv til å etablere ei slik større geografisk samarbeidsgruppa for å løfte fram desse viktige samferdselprosjekta for Sunnmøre, Nordfjord, Sunnfjord og Sogn. Gruppa kan ha dialog på teams, og bør møtast før ein større konferanse om ferjefri E39.

Arbeidsnamn kan vere E39 nordvest, SuNoS/ SoSuN (SUnnmøre/Sunnfjord, Nordfjord, Sogn), Vegvest.

Ordførar og Svein Sunde kontaktar ordførar i respektive kommunar.

Ymse

Ingen innmelde saker under dette punkt

Oppfølging:

• Vidare kontakt med Høgskulen i Volda medielinja om film/presentasjon
• Kontakt ordførarar i «vertskommunane» mellom Sulafjorden og Sognefjorden
• Finne dato/møteplass for møte i ei slik samarbeidsgruppe

Sjå presentasjonen til ordføraren.

E39 Ørstafjordkryssinga vart ikkje prioritert i Nasjonaltransportplan (NTP) då den vart vedtatt på Stortinget torsdag 20. juni. Voldatunnelen, Strynefjellet og Vegsundkrysset er prosjekta som er nemnt i planen frå vårt område. Det er god grunn til å tru at desse prosjekta vil verte realisert innan planperioden på  12 år.  Om eit par år startar ny revisjon av Nasjonal Transportplan.  Det politiske påverknadsarbeidet må difor styrkast fram mot den prosessen. Målsettinga er å få realisert ei omlegging av E39  og ei kryssing av Ørstafjorden rett etter at Voldatunnelen er bygt.  

Arbeidsgruppa for E39 Ørstafjordkryssing. Referat frå møte 20.06.24.

Desse møtte:
Per-Are Sørheim, ordførar
Karen Høydal, medl formannskapet
Odd Magne Vinjevoll, Ørsta Næringskontor
Yngve Bøstrand, Bøstrand
Svein Sunde, Gode Vegar
Per Ivar Lied, Ørsta kommune (adm) 

Per Are Sørheim ønskte velkomen, og foreslo dagsorden som nedanfor i tråd med møteinnkallinga.

2. Status E39 Ørstafjordkryssing i ny Nasjonal Transportplan (NTP) 2025-36

Trass forslag frå Ørsta kommune og politisk påverknad, er ikkje E39 Ørstafjordkryssing nemnt i ny NTP 2025-36. Det er skuffande, om enn ikkje overraskande, gitt køa av samferdselprosjekt nasjonalt og at prosjektet ikkje er regulert eller gryteklart.

Ei omlegging av E39 utanom sentrum er svært viktig av mange omsyn, ikkje minst for sentrumsutviklinga og for stadig fleire bebuarar i sentrum. Det må derfor vere eit mål å drive systematisk og strategisk påverknad i åra som kjem for å få E39 Ørstafjordkryssinga prioritert i alle relevante organ; spesielt Statens Vegvesen, fylkeskommunen og på Stortinget gjennom NTP. Nasjonal transportplan blir jamnleg revidert i omfattande prosessar, og arbeidet med å påverke slik at E39 Ørstafjordkryssing er med i neste NTP må starte no. Dette gjeld både lokalt, regionalt og nasjonalt.

• Det var semje om å innhente meir informasjon om mulegheitene for å lage ein kort informasjonsfilm om Ørstafjordkryssinga som kan brukast målretta i informasjons- og påverknadsarbeid dei neste åra. E39 Ørstafjordkryssing må på kartet før stortingsvalet i 2025, og for førstekandidatane til alle parti. Alle parti må arbeide for at E39 Ørstafjordkryssing kjem inn i fylkesvise stortings- og fylkestingprogram. 

2. Vidare arbeid. Planprosess

Arbeidsgruppa drøfta vidare handtering av utkastet til planprogram som vart utarbeidd og sendt på høyring i 2017 (jmf punkt frå tidlegare møte i arbeidsgruppa om utkast til planprogram). Sidan E39 Ørstafjordkryssing er eit statleg prosjekt, er det rett at staten tek planleggingskostnadene for prosjektet.

• Arbeidsgruppa tilrår at utkast til planprogram med høyringssvar blir oversendt Statens vegvesen, slik at SVV kan bruke relevant informasjon i sitt vidare arbeid med prosjektet. Dette er noko kommunestyret må ta stilling til, og bør opp som sak hausten 2024. 

3. Møte med Statens Vegvesen

Det planlagte møtet med direktør for divisjon utbygging i Statens Vegvesen, Kjell Inge Davik, er utsett til 9.september. Her vil fleire store samferdselprosjekt vere tema, mellom anna ny Strynefjelltunnell med arm til Geiranger, E39 Voldatunnellen og E39 Ørstafjordkryssing.

• Arbeidsgruppa ønsker også at det blir avtalt eit møte med utbyggingsdirektør for SVV Region Midt, Ove Nesje.  

4. Informasjonsside E39 Ørstafjordkryssing på kommunen si heimeside

Det er behov for informasjon om E39 Ørstafjordkryssinga, kva som har skjedd og kva som skjer framover.  Kommunen har derfor oppretta ei eiga side på kommunen si heimeside, med ulike overskrifter og tekstar. Informasjonssida ligg under menypunktet «Politikk og påverknad», og vil bli oppdatert når det er ny informasjon. Her vil også referat frå møte i arbeidsgruppa bli lagt ut. Link: E39 – Ørstafjordkryssing - Ørsta kommune (orsta.kommune.no)

5. Møteplan

• Planlagte møte 20. september, 1. november, 29. november

6. Anna

• Sigrun Vartdal er ny leiar for Ørsta Næringskontor frå 1. september. Ho erstattar då Odd Magne Vinjevoll som medlem i arbeidsgruppa.
• Ordførar informerte om at Statsforvaltar nettopp har avvist klagene vedr reguleringsplan E39 Lianeset-Liadal.

Oppfølging:

• Møter med SVV
• Innhente pris/mulegheiter for å lage kort presentasjonsfilm om E39 Ørstafjordkryssing
• Sak til kommunestyret om vidare oppfølging av utkast til planprogram for E39 Ørstafjordkryssing

Det har vore møter (11. mai og 06. juni) med SVV og Gode Vegar der både Voldatunnelen, Strynefjellet, bru over Nordfjorden og Ørstafjord-kryssinga har vore tema. Det er prioriteringane i NTP og den vidare planlegging av prosjekta som har vorte drøfta.

Formålet med møtet er å få oppdatert informasjon om dei ulike tekniske målingane som er utførte dei siste åra i området Sulafjorden og Vartdalsfjorden. Desse er endå ikkje offentleggjorte, men ligg til kvalitetssjekk i Vegdirektoratet. Signala i nyleg offentleggjort Nasjonal Transportplan (NTP) 2025-36 for ferjefri E39 og strekninga Volda-Vegsund (Ørstafjordkryssing, Vartdalsfjordkryssing, Hafast) er skuffande.  Les heile referatet under informasjon - referat, nedst på denne sida. 

26.03.2024 Svar på brev om planlegging av Ørstafjordkryssing, E39 Volda–Ålesund.

20.02.2024 Saksframlegg Ørsta formannskap - Framdrift E39 Ørstafjordkryssing

30.11.2023 Referat frå møtet i arbeidsgruppa Ørstafjordkryssing.

29.09.2023 Ope brev til Ørsta kommunestyre 

02.06.2023 Høyringsinnspel til Ørsta formannskap - Nasjonal transportplan 2025–2036

Arbeidet med ei fjordkryssing i Ørstafjorden, planlagt som ny E39 og som leier trafikken utanfor Ørsta sentrum, har vore arbeidd med lenge. Målet er ny vegtrase for E39 frå Furene via sørsida av Ørstafjorden og ei kryssing av Ørstafjorden med tunnell eller bru løysing.  

Korte fakta:

• Stortinget har slutta seg til at E39 skal leggast utanom Ørsta sentrum.  
• Regjeringa vedtok i  konseptvalet for E39 mellom Volda og Ålesund at E39 skal gå via Sulafjorden (Hafast).  
• Eiksundsambandet oppfyller ikkje kravet til det transeuropeiske transportnettet (TEN-T) som E39 er ein del av.  
• Om Vartdalsfjorden skal kryssast ved Flåvika, Nordre-Vartdal eller på anna vis er ikkje ferdig utgreidd.  
• I påvente av dette har Ørsta kommune laga planprogram for E39 Ørstafjordkryssinga.
• Aktuelle linjer for E39 Ørstafjordkryssinga er lagt inn i kommunedelplan for Ørsta sentrum og Hovdebygda.  
• For å kome vidare i realiseringa av E39 Ørstafjordkryssing er ein milepæl at prosjektet blir omtalt i Nasjonal Transportplan (NTP)
• Kommunedelplan for Hovdebygda og Ørsta sentrum har innteikna tre alternativ; bru over Raudøya, tunnell under Raudøya, bru Sørheim–Lianeset.

Møte med Statens Vegvesen om E39 Ørstafjordkryssing, 11. april 2024

Ordførar Per Are Sørheim innleia. Formålet med møtet er å få oppdatert informasjon om dei ulike tekniske målingane som er utførte dei siste åra i området Sulafjorden og Vartdalsfjorden. Desse er endå ikkje offentleggjorte, men ligg til kvalitetssjekk i Vegdirektoratet. Signala i nyleg offentleggjort Nasjonal Transportplan (NTP) 2025-36 for ferjefri E39 og strekninga Volda-Vegsund (Ørstafjordkryssing, Vartdalsfjordkryssing, Hafast) er skuffande. Ørsta kommune hadde tidlegare i veka eit positivt møte med Statens Vegvesen (SVV) sin driftsseksjon. Dette gjaldt såkalla mindre prosjekt; mellom anna E39 flyplasskrysset, tiltak i sentrum og E39 Liadal-Rindane. Etter mange år i dialog, ligg det no an til konkrete utbyggingar av desse tiltaka dei komande åra. Dessverre ligg Ørstafjordkryssinga mange år fram i tid, dess viktigare er det å få gjennomført viktige tiltak på E39 i og rundt Ørsta sentrum. Trafikktala (8.000 sentrum, 10.0000 flyplasskrysset, 12.500 Ose, 3.500 Sætre) viser at sjølv om gjennomgangstrafikken blir flytta ut av sentrum, vil det framleis vere stor sentrumstrafikk. Behova for trafikksikring og andre tiltak på E39 er derfor uansett stort.

E39 Ørstafjordkryssing, rask historikk v/Gunnar Wangen

Å frigjere sentrum frå E39 har vore eit langsiktig mål, som kommunen har arbeidd med i mange år. Arbeidet med ny overordna planprosess for E39 utanfor Ørsta sentrum starta i 2012. Tre hovudalternativ for kryssinga (bru og undersjøisk tunnell over/under Raudøya, bru Sørheim-Lianeset), to alternativ innarbeidd i kommunedelplan for Hovdebygda og Ørsta sentrum (vedtatt 2015). Ny områdeplan for Ørsta sentrum vedtatt i 2019 etter arkitektkonkurranse og omfattande arbeid.

Presentasjon teknisk forprosjekt v/Jørn Arve Hasselø, Statens Vegvesen (SVV)

SVV har sidan 2017 samla inn store mengder data om vind, ver og straumforhold på ulike stadar i Sulafjorden og Vartdalsfjorden. Sulafjorden er 3500 -5000 meter brei og 450 m djup i aktuelt kryssingsområde. Datagrunnlaget gir viktig kunnskap om fleire forhold som avgjer vidare planlegging av brukonsept. Tryggleik er grunnleggande for alt arbeidet, og bruene skal ha hundre års livstidsperspektiv. Avansert datainnsamling gir nødvendig grunnlag for forprosjekta, og inneheld mellom anna målingar av vind, oseanografiske forhold; bølger, straum, temperatur, djupneforhold, marine grunnundersøkingar og seismologiske data. SVV har hatt eit utstrakt FoU-samarbeid NTNU, Kjeller Vindteknikk, Universitetet i Stavanger, meterologisk Instistutte, FUGRO og fleire, der det m.a. er brukt romfartstetnologi. Innsamling av data er nyleg avslutta, og utstyr som vindmaster og målebøyer er i ferd med å bli demontert.

Tidlegfasen med mulegheitsstudie, keonseptstudie og forprosjekt er tidkrevande og omfattande. Det er også utført kvantifisering og modellering av ulike lastkombinasjonar og grensetilstandar. Det er gjennomført analyser av utslepp av klimagasser under produksjon av brukonsepta. Forprosjektet viser at kryssing av Sulafjorden er teknisk muleg, og ingen av dei 5 alternativa er teknisk utelukka. I tillegg har analysene i forprosjektet redusert usikkerheita rundt kostnadene (+-25%).

Forprosjektet har fokus på Sulafjorden. Det er teknisk det mest utfordrande prosjektet, og alle løysingar som teknisk kan fungere over Sulafjorden, kan også brukast til kryssing av Vartdalsfjorden. Det er samla inn mykje rådata om ver og vind i aktuelt område for kryssing av Vartdalsfjorden, men desse er ikkje systematiserte. Forprosjekt for Vartdalsfjorden vil ikkje bli starta før kryssing av Sulafjorden er nærare definert.

Vidare planlegging, ma. statleg eller kommunal plan, høyring NTP

NTP 2025-36 er ei stortingsmelding som Stortinget legg ved protokollen. NTP nemner prioriterte prosjekt og overordna rammer. Saka ligg i Transportkomiteen, og skriftlege innspel kan sendast innan 24.april. Naturleg at formannskapet i Ørsta sender innspel. Kommunestyret har sendt meir omfattande høyringsinnspel tidlegare, så denne uttalen bør vere kort og fokusere på E39 Ørstafjordkryssing. Fleirtalsmerknader gir føringar for Statens Vegvesen og Nye Vegar. Prosjekt nemnt i 12-årsperioden kan blir prioritert høgare, dersom prosjektet er klart, Statens Vegvesen prioriterer prosjektet og Stortinget løyver midlar.

Utbyggingsdivisjonen i Statens Vegvesen har også fleksibilitet og rom for faglege prioriteringar innan planlegging. Ørsta kommune bør derfor ha dialog med både Utbyggingsdivisjonen (Ørstafjordkryssing) og driftsdivisjonen med tanke på utbetringstiltak.

Ørsta kommune ønsker tilgang til rådata som er innsamla for Vartdalsfjorden. Desse må analyserast og bearbeidast for å vere nyttig i vidare arbeid.

Samferdseldepartementet har på spørsmål frå Ørsta kommune svart at statleg plan (staten regulerer alt aktuelt område, ikkje kommunane) no er mindre aktuelt enn tidlegare for strekninga Volda-Vegsund, det innber truleg i framtida ordinær regulering der kvar kommune lagar kommunedelplan og reguleringsplan i samarbeid med SVV.

Vidare prosess – drøfting

Ordførar foreslo at kommunen opprettar ei informasjonsside om E39 på kommunen si heimeside, der folk kan søke opp informasjon og oppdateringar.

Vidare arbeid med oppstarta kommunedelplan for E39 Ørstafjordkryssing vart drøfta. Eit slikt arbeid vil vere omfattande og kostbart, og SVV vil uansett ønske å vere i førarsetet i ein slik planprosess. SVV er frå tidlegare klar på at dette først er aktuelt når meir overordna sider ved strekninga Volda-Vegsund er avklart.

Ørsta kommune lagar spissa høyringsinnspel til Transportkomiteen, som også bli sendt fylkeskommunen for evt samla innspel derifrå. Dei politiske partia må arbeide inn mot sine representantar på stortinget og i Vestlandsrådet. Ørsta kommune må også vidare ha tett dialog med Statens Vegvesen, både folk i Utbygging og Drift.

Oppsummering

• Skuffande NTP for ferjefri E39 og Ørstafjordkryssing
• Rådata for vind- og straummålingar Vartdalsfjordkryssinga, men ingen konkret rapport eller status
• Arbeidsgruppa lagar utkast til høyringssvar/innspel NTP om E39Ørstafjordkryssing, til Stortinget (frist 24.april) og til fylkeskommunen
• NTP-arbeidet kan påverkast gjennom komitemerknader i Stortinget, alle politiske parti må påverke (innstilling mai, vedtak juni)
• Bruke Vestlandsrådet som har ferjefri E39 som ei av prioriterte arbeidsoppgåver
• Halde vidare dialog med Davik og Nesje om planleggingsmidlar og viktigheita av E39 Ørstafjordkryssinga
• ØK lagar infoside om E39 Ørstafjordkryssinga på heimesida

Til stades:

Jørn Ave Hasselø, Statens Vegvesen
Per-Are Sørheim
Karen Høydal
Odd Magne Vinjevoll
Yngve Bøstrand
Svein Sunde
Eldar Øye
Gunnar Wangen
Per Ivar Lied (ref)

Utfrå dei nasjonale generelle måla om ein ferjefri E39 langs kysten og for å kome vidare i arbeidet med E39 Ørstafjordkryssinga, vedtok Ørsta kommune i 2016 å starte arbeidet med eit planprogram for prosjektet. Prosjektet vart lyst ut på anbod, og Norconsult vart valt til å utarbeide planprogrammet som høyringsdokument. Utkast til planprogram låg føre i februar 2017 (sjå nedst).

Arbeidet med ei fjordkryssing i Ørstafjorden som ny E39 som leier trafikken utanfor Ørsta sentrum, har vore arbeidd med lenge. Arbeidet med planprogrammet la til grunn at Ørstafjordkryssinga er ein del av E39, saman med Vartdalsfjordkryssinga og Hafast, og på lik linje med Voldatunnellen.

Norconsult utarbeidde planprogrammet og dette var meint som første steg i den formelle prosessen for å gi fjordkryssinga naudsynt planavklaring. Formålet for planprogrammet var å klargjere premissar for og innhaldet i planarbeidet. Planprogrammet gir oversikt over dei viktigaste omsyna for planlegginga og ramme/forslag til vidare medverknad.

På det tidspunkt (2016/17) var det naturlege neste steget etter høyring og vedtak av planprogram å utarbeide ein kommunedelplan med tilhøyrande konsekvensutgreiing. Dersom Ørstafjordkryssinga av Statens Vegvesen eller sentrale styresmakter blir vurdert å vere ein del av E39 som er naturleg, vil kostnader knytt til vidare planlegging og konsekvensutgreiingar mm, vere eit sentralt ansvar. Frå nasjonalt hald vart det også foreslått at strekninga Volda/Furene til Breivika/Ålesund skulle vere gjenstand for statleg plan, altså at staten har det overordna heilskaplege ansvaret for regulering og prosess for ei lengre strekning. Staten starta også eit breiare kartleggingsarbeid over straum og vindtilhøve, og slo fast at vidare planlegging ikkje var aktuelt før resultat av desse målingane låg føre. Dermed stoppa vidare arbeid med planprogram opp.

Forslag til planprogram ligg altså føre, og har vore til høyring (2017), men planprogrammet er ikkje vedtatt.

Les heile Planprogrammet. (PDF, 2 MB)

Arbeidsgruppa for E39 Ørstafjordkryssing vart oppretta i november 2023 etter vedtak i formannskapet 24. oktober 2023.  

Arbeidsgruppa skal arbeide for å etablere ny vegtrase for E39 frå Furene via sørsida av Ørstafjorden og ei kryssing av Ørstafjorden med tunell eller bru løysing.  

Prosjektet er ei vidareføring av utviklinga av E39 der gjennomgangstrafikken vert lagt utanom Ørsta sentrum. Det vil gi ei tryggare og betre vegføring for gjennomgangstrafikken, samtidig som det vil gi store forbetringar av trafikksituasjonen i Ørsta sentrum.

Arbeidsgruppa skal arbeide for å få prosjektet inn i NTP 2025 - 2036. Arbeidsgruppa skal vidare arbeide for å få prosjektet opp på prioriteringslistene med mål om snarleg realisering.

Arbeidsgruppa består av:

• Per Are Sørheim, leiar
• Karen Høydal,  valt av formannskapet
• Odd Magne Vinjevoll, representerer næringslivet
• Yngve Bøstrand,  representerer næringslivet
• Per Ivar Lied, representerer Ørsta kommune administrasjon
• Svein Sunde, fassilitator 

2019: Ny områdeplan for Ørsta sentrum: 

• gateprofil
• ny sambindingsveg
• framheva fotgjengarkryssingar
• føresetnad om 40 km/t gjennom sentrumskjernen 

Mål: redusere barriereverknaden, auka trafikktryggleik, mindre ulemper
2017: Ørsta kommune sendt forslag til planprogram for E39 Ørstafjordkryssing på høyring
2015: To alternativ for Ørstafjordkryssing innarbeidde i kdp  
2012: Ny overordna planprosess starta

• Måtte fjerne bindinga om sjøline før ein kunne starte på ny sentrumsplan
• Rapport SSV/kommune utgreidde 3 alternativ (bilde/kart)

2000: E39 langs sjølinja, innarbeidd på nytt i reguleringsplan 
1980-tallet: E39 langs sjølinja