Kva helsetenester kan vere relevante for mine behov?

Ørsta kommune tilbyr nødvendig helse- og omsorgstenester til heimebuande tilpassa brukaren sine behov og målsettingar. Målsettinga med alle helse- og omsorgstenestene er å bidra til at kvar einskilde skal få bu heime lengst mogeleg.

Tildeling og koordinering tek i mot og behandlar søknader om kommunale helse- og omsorgstenester og vurderer behov for koordinerte tenester/ individuell plan. Tildelingskontoret gir informasjon og rettleiing, gjennomfører kartlegging og samarbeider med alle tenesteytane einingar innanfor helse og omsorgstenester i kommunen.

Tildelingskontoret held til i 1. etg på rådhuset og du kan nå oss på sentralbordet 700 49 700.

Du kan søke digitalt:

Søknadsskjema helse- og omsorgstenester

Søknadsskjema omsorgsbustad

Søknadsskjema omsorgsstønad

Sjå også Kvalitetsstandard for helse- og omsorgstenester

Tenester du kan søkje på

Kvardagsrehabilitering

Tverrfagleg rehabilitering med fokus på eigenmestring og trening i eigen heim i ei avtalt tidsperiode. Treninga er tilpassa brukaren sine eigne mål.

Formål med tenesta er å vere aktiv lengst mogeleg i eige liv – i eigen heim.«Kva er viktig for deg» for å meistre i din kvardag?

Kven kan få tenesta?

Du som søkjer om helse- og omsorgstenester for første gong eller søkjer om meir teneste.
Du som har vore innlagt i sjukehus og opplever behov for hjelp i kvardagen etter sjukdom/skade.
Du som bur heime, men ikkje lenger har same funksjon som før og som strevar med å meistre t.d. personleg stell, matlaging eller andre daglege aktivitetar.

Les meir om kvardagsrehabilitering

Kva kan du forvente?

Treningsarenaen vil vere i din eigen heim. Tverrfalgeg team (ergoterapeut, sjukepleiar og fysioterapeut) vil saman med deg utarbeide ein rehabiliteringsplan, trene på det som er viktig for deg og evaluere opplegget undervegs.

Dersom du ynskjer det vert sluttrapport sendt til fastlege.

Kva kostar det?

Tenesta er gratis.

Korleis søkje?

Søknadskjema
Utskiftsvenleg versjon

Når kan du vente svar?

Søknaden vert handsama så snart som råd og seinast innan 3 veker etter at den er motteke.

Tryggleiksalarm

Tryggleiksalarm er eit varslingsystem for å tilkalle hjelp ved akutt hending. Alarmen er ein liten radiosendar/knapp, som for eksempel kan berast som eit kjede rundt halsen.

Ved aktivering av alarmen vert kommunal vaktteneste varsla. Vakttenesta vil formidle kontakt vidare til dei som er oppført på varslingslista.

Formål med tenesta er å bidra til å auka tryggleik i heimesituasjonen og førebygge behov for andre helse- og omsorgstenester.
Meir om tryggleiksalarm

Kven kan få tenesta?

Eldre, funksjonshemma og andre med langvarig sjukdom, som kan ha behov for å tilkalle hjelp, kan søkje om å få tildelt tryggleiksalarm.

Kva kostar det?

Tryggleiksalarm
Teneste	Pris
Ny digital tryggleiksalarm:	420,– per mnd
Alarm på Bakk-Ola-marka:	270,– per mnd
Alarm på Vartdal Helsetun:	270,– per mnd
Fellesutgifter bufelleskap inkl. alarm:	770,– per mnd

Faktura blir utsendt månadleg.

Tryggleiksalarm er ei betalingsteneste, satsane er vedteke av kommunestyret.

Korleis søkje?

Søknadskjema
Utskiftsvenleg versjon

Når kan du vente svar?

Søknaden vert handsama så snart som råd og seinast innan 3 veker etter at den er motteken.

Praktisk bistand (heimehjelp)

Heimehjelp er eit tilbod til personar som er avhengig av hjelp og praktisk bistand i eigen heim.

Formål med tenesta er at du gjennom tildelt praktisk bistand får hjelp til reingjering av huset slik at du kan leve og bu sjølstendig i eigen bustad.

Kven kan få tenesta?

Eldre, funksjonhemma og andre med langvarig sjukdom, som ikkje klarer å utføre allminnelege reinhaldsoppgåver sjølv.

Kva kan du forvente?

Allminneleg reinhald av rom som vert nytta til dageleg. Etter nærare avtale hjelp til støvtørking, klessvask og sengeskift.

Ørsta kommune ynskjer å legge til rette for at du sjølv kan delta til i arbeidet utifrå dine ressursar.

Kva kostar det?

Heimehjelp er ei betalingsteneste, satsane er vedteke av kommunestyret.

heimehjelp prisar
	Inntektsgrunnlag	Kr per mnd
0–2 G	Inntil kr 248 056	240*
2–3 G	kr 248 057 til kr 372 084	1 630
3–4 G	kr 372 085 til kr 496 112	2 040
4–5 G	kr 496 113 til kr 620 140	2 450
,">5 G	kr 620 141 og over	2 765
	Timesats for enkelttimar	465

*Fastsett i sentral forskrift og kan bli endra.

1G = 124 028,- frå 01.05.24.

Abonnement

Etter eiga forskrift skal alle med inntekt under 2G betale maksimalt kroner 240,- per mnd. Brukarar som mottek tenester som medfører eigenbetaling som er høgare enn øvre tak i si inntekstgruppe, skal betale fast abonnement som vist i tabellen.

Dei som ikkje nyttar avtala hjelpeordning ein månad, får fritak for betaling den aktuelle månaden. Abonnementet går elles som avtala, sjølv om brukaren i einskilde månader ikkje gjer seg nytte av tiltaket fullt ut.

Betalingsvanskar

Brukarar av hjelpeordninga som grunna lav inntekt eller store utgifter har vanskar med å sikre eige livsopphald, kan i særlege tilhøve søkje om redusert betaling/fritak for eigenbetalinga.

Timesats

Betaling etter timesats gjeld for:

kortvarige eller tilfeldige avtalar/vedtak om praktisk hjelp
faste/varige avtalar med tal på timar som medfører månadsbetaling som er mindre enn abonnementbetalinga for si inntektsgruppe (sjå tabell)

Korleis søkje?

Søknadskjema
Utskiftsvenleg versjon

Når kan du vente svar?

Søknaden vert handsama så snart som råd og seinast innan 3 veker etter at den er motteken.

Meir om heimehjelp

Heimesjukepleie

Heimesjukepleie yter personleg rettleiing og hjelp til eldre, sjuk eller andre med funksjonsnedsetting som bur heime

Formål med tenesta er å dekke nødvendig helse og omsorgsbehov i eigen heim.

Kven kan få tenesta?

Eldre, funksjonhemma og andre med langvarig sjukdom som har behov for personleg helsehjelp.

Kva kan du forvente?

Nødvendig helse- og omsorgshjelp, som td. Rettleiing/opplæring, hjelp med medisinhåndtering, personleg stell, sårbehandling, hjelp til å stå opp, legge deg og toalettbesøk.

Ørsta kommune ynskjer å legge til rette for auka eigenomsorg og aktivitet, utifrå dine ressursar.

Kva kostar det?

Tenesta er gratis.

Korleis søkje?

Søknadskjema
Utskiftsvenleg versjon

Når kan du vente svar?

Søknaden vert handsama så snart som råd og seinast innan 3 veker etter at den er motteken.

Meir om heimetenester

Matombering

Ørsta kommune tilbyr middagsombering/matombering til heimebuande som ikkje klarer å lage middag sjølv eller på anna måte ivareta sitt ernæringsbehov.

Formål med tenesta er å gjere det mogeleg å bu lengst mogeleg i eigen heim.
Brosjyre

Kven kan få tenesta?

Heimebuande som pga. helseplager, funksjonstap, ernæringsvanskar eller behov for speisalkost/diett, som ikkje klarer å ivareta fullverdig kosthold.

Kva kan du forvente?

Middagen vert levert varm heim til deg i varmeisolerande emballasje. Maten vert køyrd ut mellom kl. 14- 17. Utkøyring er inkludert i prisen.

Kva kostar det?

Matomberings
Vare	Pris
Varm mat levert i privat heim	125,-
Sal av frukost/lunsj/kvelds i institusjon/bufellesskap	75,-
Fullkost i bufellesskap pr. døgn	210,-
Fullkost i bufellesskap pr. mnd	6 300,-

Korleis søkje?

Søknadskjema
Utskiftsvenleg versjon

Når kan du vente svar?

Søknaden vert handsama så snart som råd og seinast innan 3 veker etter at den er motteken.

Støttekontakt

Er ei teneste som skal bidra til å auke sosial deltaking i kvardagen og leggje til rette for ei meiningsfull fritid. Aktivitetar som støttekontakt kan bidra med, kan vere; turar og trening, besøke vener/familie, cafebesøk eller andre kultrurelle arrangement. Les meir om støttekontakt

Kven kan få tenesta?

Personar som har utfordringar med å delta på sosiale arenaer eller vere aktiv på fritida utan hjelp frå andre.

Kva kan du forvente?

Støttekontakt vert innvilga enten som individullt tilbodeller som deltaker igruppe tilbod. I tildelinga av støttekontakt vert det lagt stor vekt på kjemi og trivsel for å nå den enkelte sine målsesettingar. Støttekontakt får rettleiing etter behov.

Kva kostar det?

Tenesta er gratis. Brukaren må pårekne å dekke sine eigne utgifter knytt til aktivitetane.

Korleis søkje?

Søknadskjema
Utskiftsvenleg versjon

Når kan du vente svar?

Søknaden vert handsama så snart som råd og seinast innan 3 veker etter at den er motteken.

Dagsenter for eldre

Ørsta kommune har dagtilbod for eldre på Ørstaheime måndag til fredag. Dagtilbodet på Hagestova er tilrettelagt for brukarar med demens/kognitiv svekking. Vedr. dagtilbod ved Vartdal Helsetun og Hjørundfjordheimen; ta kontakt med aktuell institusjon for meir informasjon.

Formål med tenesta: er å tilby ein sosial møteplass og stimulere til aktivitet i eit fellesskap med andre.

Kven kan få tenesta?

Heimebuande som har behov for sosial stimulering og aktivisering. Tenesta blir tildelt individuellt med ein eller fleire dagar i veka.

Kva kan du forvente?

Felles måltid, sosial samvær, aktivitar som trim, hobby, gruppeaktivitetar, tur, underholdning og andakt. Tenesta inkluderer frukost, middag, ettermiddagskaffi, skyss i felles buss til/frå dagavdelinga dersom behov.

Kva kostar det?

Med middag: 185 kr / dag
Utan middag: 80 kr / dag

Korleis søkje?

Søknadskjema
Utskiftsvenleg versjon

Når kan du vente svar?

Søknaden vert handsama så snart som råd og seinast innan 3 veker etter at den er motteken.

Avlastning for pårørande

Personar som har særleg krevjande omsorgsarbeid, kan søkje kommunen om avlastning i dette arbeidet. Formålet med tenesta er at pårørande får naudsynt kvile og fritid, slik at dei vert i stand til å vidare ivareta omsorga for den pleietrengande.

Korleis søkje?

Søknadskjema
Utskiftsvenleg versjon

Brukarstyrt personleg assistent (BPA)

Er ei alternativ organisering av praktisk og personleg hjelp for personar med eit omfattande hjelpebehov.

BPA inneber at brukaren, eller andre som kan representere brukaren, påtek seg rolla som arbeidsleiar. Arbeidsleiaren har ansvar for organisering og innhald i tenesta for å dekke brukaren sine behov for bistand.

Formålet er at brukaren skal medverke over eigen livssituasjon og i større grad kunne leve eit aktivt og mest mogleg sjølvstendig og uavhengig liv. Meir om BPA

Kven kan få tenesta?

Personar med eit omfattande og langvarig hjelpebehov

Kva kan du forvente?

Du får ein assistent som gir deg personleg og praktisk bistand i kvardagen etter dine hjelpebehov.

Kva kostar det?

Tenesta er gratis. Dersom deler av tenesta er innvilga for å dekke praktisk bistand/daglege gjermål (heimehjelp) må du betale utifrå gjeldande betalingssatsar – lenke til betalingssatsar

Korleis søkje?

Søknadskjema
Utskiftsvenleg versjon

Når kan du vente svar?

Søknaden vert handsama så snart som råd og seinast innan 3 veker etter at den er motteken.

Omsorgsbustad

Ørsta kommune har ulike omsorgsbustadar for utleige. Omsorgsbustadane er i stor grad tilpassa personar som har behov for tilrettelagt bustad for å kunne motta nødvendige helse- og omsorgstenester.

Nokre bustadar har bemanning delar av døgnet, andre har avtalte besøk ut frå kva type teneste brukaren har behov for. Desse bustadane stiller krav til brukaren sitt funksjonsnivå og behov for kommunale tenester.

Kven kan få bustad?

Personar som har store problem med å klare seg i eigen bustad eller som er vanskelegstilt på bustadmarknaden.

Kva kan du forvente?

Du får tilbod om ein bustad utifrå dine behov. Dersom det ikkje er ledig bustad å tildele, vert det gjeve avslag på søknaden og får tilbod om å stå på venteliste ut året.

Kva kostar det?

Du betaler månadleg leige som framgår av husleigekontrakt. For nærare opplysningar ta kontakt med tildelingskontoret

Korleis søkje?

Søknadsskjema

Når kan du vente svar?

Søknaden vert handsama så snart som råd og seinast innan 3 veker etter at den er motteken.

Omsorgsstønad

Omsorgsstønad kan ytast til personar som har særleg store omsorgsoppgåver knytt til mindreårige barn eller andre nærtståande familiemedlemmar som har eit omfattande, langvarig og særleg tyngande hjelpebehov.

Formålet med omsorgsstønad er å sikre forsvarleg omsorg for den som treng hjelp i dagleglivet og vert ofte gitt i kombinasjon med andre tenester.

Kven kan få tenesta?

Til personar som har særleg tyngande omsorgsarbeid i heimen.

Kva kan du forvente?

Ved søknad om omsorgsstønad vert det gjennomført ei brei kartlegging der momenta i rundskriv I-42/98 frå sosial og helsedepartementet (no helse og omsorgsdepartementet), vert vurdert.

Kommunen set som vilkår at det også vert søkt om hjelpestønad.

Eit fast beløp kvar månad som ei godtgjering for nokren av timane du bruker på særleg tyngande omsorsgoppgåver i heimen.

Kva kostar det?

Tenesta er gratis.

Korleis søkje?

Søknadskjema

Når kan du vente svar?

Søknaden vert handsama så snart som råd og seinast innan 3 veker etter at den er motteken.

Bu- og habiliteringsteneste

Ørsta kommune tilbyr bu- og habilteringsteneste til personar som har psykisk utviklingshemming. Formålet med tenesta er å sikre at personar med psykisk utviklingshemming kan bu og leve sjølvstending i eigen heim.

Kven kan få tenesta?

Personar som har psykisk utviklinghemming

Kva kan du forvente?

Nødvendig helse- og omsorgshjelp hovedsakeleg gitt gjennom råd, rettleiing og opplæring for å klare dageleg gjeremål. Tenesta er indviduellt tilpassa etter brukeren sitt behov med fokus på dageleg aktivitet.

Kva kostar det?

Tenesta er gratis.

Korleis søkje?

Søknadskjema
Utskiftsvenleg versjon

Når kan du vente svar?

Søknaden vert handsama så snart som råd og seinast innan 3 veker etter at den er motteken.

Psykisk helseteneste

Tenesta er tilpassa brukarar som har behov for psykiske helsehjelp. Tilbodet er avhenging av kor alvorleg situasjonen er og kva som skal til for at ein kan få det betre.

Formålet er å skape gode livsvilkår, formidle tru på betring, moglegheit til å ta eigne val og påverke eige liv. Les meir om teneste for psykisk helse.

Kven kan få tenesta?

Personar med langvarige og samansette behov for psykisk helsehjelp eller som er i ei livskrise/sterkt belasta livssituasjon, samt pårørande til personar i målgruppa

Kva kan du forvente?

Praktisk hjelp, råd, rettleiing og samtaler. Tilbodet er avhenging av kor alvorleg situasjonen er.

Kva kostar det?

Tenesta er gratis.

Korleis søkje?

Søknadskjema
Utskiftsvenleg versjon

Når kan du vente svar?

Søknaden vert handsama så snart som råd og seinast innan 3 veker etter at den er motteken.

Rustenesta

Rustenesta driv førebyggande tenester og tilbyr oppfølging av menneske som har eit rusproblem eller står i fare for å utvikle eit rusproblem.

Kven kan få tenesta?

Menneske som har eit rusproblem eller står i fare for å utvikle eit rusproblem.

Kva kan du forvente?

Du kan få hjelp til å kome i kontakt med andre nødvendige instansar i hjelpeapparatet, rustesting, henvisning til rusbehandling, samtalar, kontakt og oppfølging etter endt rusbehandling.

Rustenesta set i verk tvangsinnlegging i rusinstitusjon etter Helse- og omsorgstenestelova § 10-2 og 10-3, i tilfelle der det er naudsynt. Rustenesta bistår også når det skal søkast om soning i rusinstitusjon jmf Straffegjennomføringslova § 12.

Rustenesta har oppfølging ved gravide rusmisbrukarar med tanke på tvangsinnlegging etter Helse- og omsorgstenestelova § 10-3. Les meir om rustenesta.

Kva kostar det?

Tenesta er gratis.

Korleis søkje?

Søknadskjema
Utskiftsvenleg versjon

Når kan du vente svar?

Søknaden vert handsama så snart som råd og seinast innan 3 veker etter at den er motteken.

Opphald i insitusjon

Ørsta kommuen tilbyr to typer opphald i institusjon;

1) Korttidsopphald i sjukeheim er tidsavgrensa etter behov.

Rehabiliteringsopphald; der opptrening ikkje mogeleg i eigen heim
Behandling/utgreiingsopphald: å gi nødvendig behandling, helsehjelp eller lindrande pleie/omsorg.
Avlastningsopphald der pårørande er vurdert å ha særleg tyngande omsorgsbyrde
Rullerande opphald; for å gjere deg istand til å bu heime lengst mogeleg. Det vil sei at du vekselvis bur heim og på sjukeheim

2) Langtidsopphald er permanent opphald i sjukeheim.

Kven kan få tildelt tenesta?

Når det ikkje er mogeleg å yte forsvarleg og nødvendig helsehjelp i eigen heim.

Kva kan du forvente?

Nødvendig helse- og omsorgsbehov med oppfølging og tilsyn heile døgnet.

Lengda av opphald vil gå fram av vedtaket. Du må berekne å dele/skifte rom iløpet av opphaldet.

Kva kostar det?

instittusjonspris
Type opphald	Pris 2025
Korttidsopphald	200/døgn*
Dagopphald/nattopphald institusjon	115/dag*
Langtidsopphald institusjon	Forskrift
Kurdøgn institusjon	3 650/døgn
Dagsenter	185/dag
Dagsenter utan middag	80/dag

Meir informasjon om prisar.

Korleis søkje?

Søknadskjema
Utskiftsvenleg versjon

Når kan du vente svar?

Søknaden vert handsama så snart som råd og seinast innan 3 veker etter at den er motteken.

Andre nyttige tilbod

Koordinerande eining

Kven kan få tenesta?

Dersom du har behov for langvarige og koordinerte tenester etter helse-og omsorgstenestelova, kan du ha rett på koordinator og individuell plan.

Med dette meiner ein at dersom du har to eller fleire helse-og omsorgstenester over tid som det er behov for å samordne, kan du har rett på å få utnemnt ein koordinator.

Kva kan du forvente?

Når du får utnemt ein koordinator vil vedkomande vere bindeleddet mellom deg og tenesteapparatet. Og vidare legge til rette for samordning og samarbeid i tenestetilbodet ditt. Koordinator vil ha eit ansvar for å drive fram arbeidet med ein individuell plan dersom ein ynskjer å ha det.

Korleis søkje?

Du kan vende deg til Koordinerande eining ved tildelingskontoret. Ein vil saman med deg og evt tenesteytarar kartlegge ditt behov for koordinator.

Meir om tenesta

Bustønad

Bustønad er ei behovsprøvd statleg støtteordning for dei som har låg inntekt og høge bukostnader. Husbanken og kommunen samarbeidar om ordninga knytt til bustønad. Husbanken fattar vedtaka, men det er komunen som behandlar søknaden og har all kontakt med deg som søkjar.

Kven kan få bustønad

På Husbanken sine nettsider kan ein sjå kven som kan få bustønad, kva krav som gjeld for bustaden og kva inntektsgrenser som gjeld. Her kan du også prøve kalkulatoren for bustønad, for å sjå kor mykje du evt. kan få.

Sjå om du kan få bustønad

Søk bustønad

Søknadsfristen for bustønad er den 25. kvar månad. Utbetalinga skjer omkring den 20. i månaden etter. Om du får bustønad, vert søknaden din overført til neste månad. Får du avslag fordi du har høg inntekt ein månad, vert søknaden din overført til neste månad automatisk.

Her søkjer du

Meld frå om endringar

Du har sjølv plikt til å melde frå om det er endringar i nokon av opplysningane du har gitt i søknaden. Sjekk difor alltid om du har brukt riktige opplysningar i vedtaket du får.

Meld frå om endringar

Klage på vedtak om bustønad

Om du meinar at noko i vedtaket er feil, kan du klage innan 3 veker etter at du mottok vedtaket.

Slik klagar du

Demensteam

Kjenner du nokon som gløymer?

Demens er ei fellesnemning for ei gruppe sjukdommar i hjernen som er kjenneteikna ved svikt av intellektuelle funksjonar, kjenslemessig kontroll og funksjonsevner i høve dagleglivet sine utfordringar. (NB: Ved alle einingar i pleie-og omsorg i Ørsta kommune er det ressurspersonar innan demensomsorg).

Kva kan demensteamet hjelpe med?

Kartleggingssamtale og utgreiing med brukar og pårørande.
Kartlegging av behov for hjelp
Råd om hjelpemiddel som støttar hukommelse og bidreg til tryggleik
Oppfølging av brukar og pårørande
Rettleiing til pårørande og helsepersonell

Meir om demensteamet

Aktivitetssenteret Bakk-Ola-marka

Aktivitetssenteret på Bakk-Ola-marka er ein møteplass for pensjonistar og andre som har ynskje om ein treffplass på dagtid.

Meir om Aktivitetssenteret på Bakk-Ola-marka

Aktivitetssenteret Møteplassen

Møteplassen aktivitetssenter & kafé på Viketunet er ope for alle. Det er ein plass ein kan gå innom for å lese aviser, kjøpe seg ein kaffi eller litt mat, og slå av ein prat.

Informasjon og opningstider

Møteplassen - Aktivitetssenter er ein del av den kommunale tenesta for psykisk helse og administrativt lagt inn under tenesteområde Heimetenester.

Friskliv

Friskliv Ørsta har fokus på helsefremjande og førebyggande tiltak retta mot alle barn og unge i Ørsta. Gjennom desse primær-førebyggande tiltaka ut til barnehagar og skular, ynsker Friskliv Ørsta å nå ut til barn og unge og spreie positiv informasjon om friskliv, helse og gode levevanar. I tillegg til primær-førebygging tilbyr Friskliv Ørsta individuell oppfølging til barn og unge, og eventuelt heile familien, med støtte til å endre vanar knytt til helse, fysisk aktivitet og/eller kosthald.

Frisklivsrettleiaren er Karen Øie, som i tillegg arbeidar med kvardagsrehabiliteringstemet i Ørsta kommune. Ho har fleire års bakrunn frå privatpraktiserande fysioterapi, og er engasjert i fysisk aktivitet og det å ta vare på helsa si.

Hjelpemiddel

I faser i livet kan det oppstå behov for hjelpemiddel for å kunne klare seg i det daglege.

Langvarig behov

Du må ha en varig (over to år) og vesentlig redusert funksjonsevne for å kunne søke om hjelpemiddel frå Nav Hjelpemiddelsentral. Kontakt ergoterapeut i kommunen.

Får du hjelp frå fysioterapeut, heimetenesta eller andre tenester i pleie- og omsorg kan dei hjelpe deg med å formidle kontakt og/eller søkje nødvendig utstyr.

Kortvarig behov

Har du et kortvarig (under to år) og midlertidig behov for hjelpemidler, må du ta kontakt med kommunen du bur i som har ansvar for å låne ut nødvendige hjelpemiddel.

Les meir om hjelpemiddel og kor du kan få tak i dei her.

Kreftkoordinator

Ørsta kommune har eigen kreftsjukepleiar/kreftkoordinator som kan tilby hjelp og støtte til kreftramma og deira pårørande.

Kreftsjukepleiar kan vere tilgjengeleg for kreftpasientar i ulike faser av sjukdomen, for pårørande og andre aktuelle. Kreftsjukepleiar kan gje råd, rettleiing og samtalar og vere med på å sikre ei trygg og heilskapleg omsorg i heimekommunen. Kreftsjukepleiar samarbeider tett med fastlegar og sjukehus. Vedkommende skal også vere ein ressursperson for anna helsepersonell, gje råd, rettleiing og undervisning.

Meir informasjon.

TT-kort

Transporttenesta er eit tilbod om drosjetransport til personar som er varig forflyttningshemma på grunn av fysisk eller psykisk funksjonshemming. Transporttenesta kan vere til hjelp slik at dei kan få høve til å delta i aktivitetar i nærmiljøet.

TT-ordninga er ikkje ein lovfesta rett, men eit velferdsgode som fylkeskommunen tilbyr innbyggjarane. Fylkeskommune vedtek beløpet som skal brukast, og korleis TT-ordninga skal organiserast.

Meir informasjon.

Følgekort

Følgjekort skal gje funksjonshemma høve til å ha med hjelpar for å kunne delta på arrangement.

Den funksjonshemma sin ledsagar skal kunne få fri eller rabattert adgang til kultur- og fritidsaktivitetar i tillegg til visse transportmidlar.

Korleis søkje?

Søknadskjema

Parkeringsløyve for forflyttingshemma

Parkeringsløyve er eit hjelpemiddel for personar, som på grunn av vesentleg nedsatt forflyttingsevne, har særleg behov for parkering på ein eller fleire konkrete stadar der det tilgjengelege parkeringstilbod ikkje kan nyttast.

Meir informasjon.