Saksnr finn du på oppe til venstre på brevet frå kommunen. Det fyrste talet under "Vår referanse".

Sensitive opplysningar er persondata som har særleg vern etter personvernregelverket. Døme på slike opplysningar er:

• Helseopplysningar (t.d. sjukdomar, medisinar, diagnosar)
• Religiøs eller politisk tilhøyrsle
• Etnisk bakgrunn
• Seksuell orientering
• Fagforeiningsmedlemskap,
• Biometriske data (t.d. fingeravtrykk, ansiktsgjenkjenning)
• Genetiske opplysningar

I tillegg anbefalar vi å ikkje oppgje fødselsnr då det er ein unik identifikator og kan gi stor risiko ved misbruk om det kjem på avveie.

1. Logg inn via ID-porten (BankID, MinID, Buypass eller Commfides) for sikker identifikasjon.
2. Fyll ut skjemaet:  Vel om du er privatperson (fødselsnummer) eller verksemd (organisasjonsnummer).  Oppgi tittel (gjerne med saksnummer) og kommentar.
3. Last opp vedlegg (vanlegvis PDF-format).
4. Klikk på «Send». Sendinga blir kryptert og sendt direkte til kommunen.
5. Du får kvittering med referansenummer på e-post eller SMS.

eDialog er ein sikker digital kanal for å sende dokument og meldingar. Den er utvikla for å ivareta personvern og hindre at sensitive opplysningar kjem på avvege. 

Vanleg e-post er ikkje ein sikker kanal for sensitive opplysningar. Og e-postar kan bli stoppa av brannmurar, hamne i søppelpost, eller ikkje kome fram på grunn av feil adresse eller for store vedlegg. 

For å sikre trygg kommunikasjon ønsker vi at du brukar skjema og eDialog for å sende oss meldingar. Du kan også laste opp vedlegg via desse.