Du har truleg allereie mykje av det du treng for å klare deg sjølv i sju dagar, så ofte er det ikkje så mykje som skal til for at du og dine nærmaste blir litt betre førebudde.
Direktoratet for samfunnstryggleik og beredskap (DSB) anbefaler alle husstandar i Noreg å ta nokre enkle grep for å betre eigenberedskapen sin. På dsb sine nettsider finn du konkrete råd som DSB har utarbeidd for alle innbyggjarar. Her finn du mellom anna døme på ting du bør ha i beredskapslageret heime for å klare deg i minst sju døgn.
Kvifor kjem eigenberedskapsråda no?
Pandemien og krigen i Europa gjer at eigenberedskap er meir aktuelt enn på lenge. Det kjem på toppen av allereie kjende utfordringar som cybertruslar og meir ekstremvêr. Dette kan føre til bortfall av kritisk infrastruktur som til dømes straum, vatn og mobilnett.
Vi som bur i Noreg – eit av verdas tryggaste og mest stabile land – er vande med at det meste stort sett fungerer som det skal. Det er veldig mange tenester og funksjonar vi er avhengige av for at det skal gå rundt i det daglege utan større problem. Nettopp denne avhengigheita gjer oss sårbare.
Du er ein del av beredskapen i Noreg
Sjølv om vi lever i eit trygt land, kan uønskte hendingar oppstå også hos oss. Og dersom vi blir ramma av ei stor hending eller krise, er det mange som treng hjelp.
Har du dette?Dette bør du ha i samla ein trygg stad i heimen din:
- Drikkevatn: Oppretthald væskebalansen ved å ha tre liter vatn per person til drikke og matlagning, per døgn
- Førstehjelpsskrin: Ha utstyr til å kunne håndtere lettare og eventuelle større skader til du får hjelp.
- Lommelykt/haudelykt: Du treng ei god lykt for å kunne ta deg fram på ein trygg og effektiv måte når straumen er vekk.
- Fyrstikker og stearinlys: Skap ein hyggeleg stemning i stova med levande lys når huset er mørkt.
- Landtidsholdbar mat: Vi anbefalar eit lager som tilsvara tre dagar forbruk for husholdninga.
- Stormkjøkken og ekstra gas: Om straumen går treng du ei alternativ varmekjelde til mat og varm drikke.
- Varme klede: Huset blir fort kaldt om straumen går. Då er det godt med tjukke gensera og sokkar.
- Varme pledd/sovepose: Å halde varmen er viktig. Ha nokre ekstra pledd i skapet for kalde dagar.
- Kontantar: I ei krise er det ikkje sikkert bank- og betalingsterminalane fungerar. Ha nokre kontantar liggjande heime.
- Verktøy: Du bør ha hammar, spikar, multikniv og gaffateip til små reperasjonar, om noko skulle bli øydelagt i ekstremvêr.
- Alternativ varmekjelde: Hald varmen med ved-, gass- eller parafinomn. Ein god hugseregel for vedomn er 30 liter ved per døgn.
- Medisinar: Er nokon i familien avhengig av medisiner? Oppbevar eit minimumslager av medisinane for 72 timers bruk.
- Naudladar: Hald mobilen opplada med batteridreven mobilladar og/eller USB-ladar til sigarettenneruttak i bil.
- Brannsløkkjar: Sørg for at du kan sløkkje mindre brannar/branntilløp på eigahand.
- Radio med batteri: Hald deg orientert. Ha ein DAB-radio i huset – og still den inn på NRK P1 for å få viktig informasjon.
- Personleg hygiene: Toalettsaker, handsprit, munnbind og søkkelsekka (til nødtoalett) til nødvendig hygiene.
- Boksopnar: Viktig å ha for å kunne lage måltid med hermetikkmat.
Vurder om du treng dette også
Om du har baby: Vurder behovet for babymat, morsmelk-erstatning, bleier, våtserviettar, m.m.
Om du har kjæledyr: Mat og vatten til dyret.
Personlege dokument: Kopiar av pass, førerkort og kontaktlister – digitalt og på papir.
Jodtablettar: Til barn og vaksne under 40 år, gravide og ammande. Kjøpast på apoteket og takast etter råd frå myndigheitene.
Andre ting som kan vere hyggelege å ha er brettspel, godteri/snacks og leiker/kosebamse.
Kart over offentlege tilfluktsrom i Ørsta
1. Vikegata 17 — 2. Dalevegen 24 — 3. Torvmyrane 5 — 4. Langemyra 2
Brosjyre
Gode kjelder til informasjon under ei krise