Grunnlag for forhandlingane og avgrensing av området for utbyggingsavtalen følgjer av vedteken detaljreguleringsplan for Ørsta kompetanse- og kultursenter, med plan-ID 2020003. Formål med avtalen er å sikre at området vert byggeklart i samsvar med reguleringsplan, mellom anna omfattar dette fordeling av ansvar for gjennomføring av rekkjefølgjekrav.

Framforhandla avtale vil verte lagt ut om lag den 2. november 2026 på kommunen si heimeside til offentleg ettersyn, med 30 dagars frist for merknadar. Eventuelle merknadar til utbyggingsavtalen må sendast skriftleg ved bruk av kontaktskjema eller per post til kommunen. Sendinga må merkast «Sak 20/6599 – Merknadar til utbyggingsavtale».