Ordførar Stein Aam starta dagen med å fortelje om Ørsta og fremje høgdepunkta frå kommunen. Rådmann Wenche Solheim orienterte om tettstadsutvikling, næringsutvikling og samarbeidet med fylkeskommunen, før det vart synfaring og høve til å vise Ørsta sentrum, utviklinga og framtidstankane i praksis.
Utviklingsplanen Ørsta kommune
Det heile starta med Europan
Prosessen med tettstadsprosjektet og sentrumsutviklinga i Ørsta starta med den internasjonale arkitektkonkurransen Europan. Tegnestuen FELT vart vinnaren av konkurransen med bidraget «Connecting Ørsta». Les meir om vinnaren av arkitektkonkurransen Europan her.
Utviklingsplanen til FELT ligg også til grunn når kommunen har utarbeidd ny reguleringsplan for Ørsta sentrum som er til behandling.
Synfaringa – gjekk i utviklingsplanen sine fotsteg
(Trykk på biletet for å gjere det større)
Utviklingsplanen for Ørsta sentrum byggjer på 3 hovudgrep; Det urbane bandet, Parkbandet og Idretts- og utdanningsbandet. Synfaringa gjekk frå Rådhuset, forbi kulturhuset og plasseringa av ny Ørsta VGS, langs heile Idretts- og utdanningsbandet mot Ørstahallen. Frå Ørstahallen gjekk turen mot Parkbandet, Haldeplassen og Vikeparken, og til slutt inn mot det Urbane bandet med Kunsthuset på Haftor Hovden plass og Svendsengarden i Vikegata.
Svendsenhagen ferdigstilt i 2018
Synfaringa vart avslutta med lunsj på Svendsengarden, som er eit av områda som har fått seg ei opprusting i høve tettstadsprosjektet. Svendsenhagen vart ferdigstilt i 2018, med eit naturleg amfi, buldrevegg og busslomme mot E39. Artikkelen frå opprustinga, finn du her.
På bileta under ser du likheitstrekka mellom Utviklingsplanen til Tegnestuen FELT og det reelle produktet.
Slik ser Svendsenhagen ut i dag
Tegnestuen FELT sin illustrasjon
Bedriftsbesøk
Etter lunsj fekk Regional- og næringsutvalet besøke Tine Meieriet Ørsta og Aquagen AS, avd. Profunda, og Ørsta kommune takka for besøket.