Møtet starta med ein presentasjon av ordføraren Per Are Sørheim, og Sigrun Heltne Vartdal frå næringskontoret sa nokre ord om næringslivet i Ørsta. Planleggar Ingvild Kjøde orienterte kort om planprosessen, før Per Ivar Lied snakka om samarbeid mellom kommunar og suksessfaktorar.

Etter innleiingane arbeidde deltakarane i grupper med sentrale spørsmål med tema som:

• Kva skal vere Ørsta sitt unike fortrinn i regionen framover?
• Korleis kan næringslivet og kommunen samarbeide for å gjere Ørsta attraktiv både for arbeid og bu?
• Har vi dei rette næringsareala og infrastrukturen for vekst?
• Korleis kan vi nytte arbeidskraftreserven betre?
• Kva er viktigast for bedriftene i åra som kjem?

Diskusjonane vart oppsummert i plenum, der fleire grupper delte sine hovudinnspel. Til slutt svarte deltakarane på to spørsmål som resulterte i ordskyer.

1. Kva må Ørsta kommune prioritere høgast dei neste fire åra for å styrke eksisterande næringsliv?
2. Kva er Ørsta sin viktigaste styrke eller unike fortrinn for å tiltrekke seg framtidig næringsutvikling?

Møtet vart avslutta med takk for engasjementet og ei oppmoding om å sende inn fleire innspel i etterkant. Og workshopen gav verdifulle perspektiv som blir tekne med vidare i arbeidet med samfunnsplanen og næringsstrategi.

Kva er Ørsta sin viktigaste styrke eller fortrinn for å tiltrekke seg ny/utvikle dagens næringsutvikling? Menti

Kva må kommunen prioritere høgaste dei neste 4 åra for å styrke eksisterande næringsliv? Menti