TV-aksjonen: Kulturkafé og fleire bøsseberarar

TV-aksjonen

Søndag 18. oktober går årets TV-aksjon av stabelen, til inntekt for NRC Flyktninghjelpen. Nokon har meldt seg, men vi treng framleis mange frivillige til å gå med bøsse.

Har du ledig ca 2 timar søndag og kan tenke deg å vere med? Om du vil gå i sentrum kan du registrer deg her, om du vil gå i ei av dei flotte bygdene våra ta kontakt med Rebecca Riise Bjerknes.

Oppmøtetidspunkt og stad for utlevering av bøsse er søndag 18. oktober kl. 14.00 på Ørsta rådhus (inne på møteromma, inngang “Møterom” på sørsida).

Takk for hjelpa!

Kulturkafé med inntekt for TV-aksjonen

TID: Fredag 9. oktober kl. 11.30–14.00
STAD: Ørstahallen

Snart haustferie, og tradisjonen tru vert det sjølvsagt kulturkafe til inntekt for TV-aksjonen. Vi markerer i tillegg verdsdagen for psykisk helse og småjobbsentalen og møteplassen er med oss.

Denne gongen serverer vi ukrainske kålrullettar.

Holubtsi - Ein tradisjonell ukrainsk rett med mjuke kålblad fylte med kjøtt, ris og grønsaker, som blir kokte i ein smakfull tomatsaus. Kålrullane blir serverte med rømme og dill. Heimelaga, mettande og full av smak – ekte ukrainsk husmannskost.

75 kroner for mat, dessert og kake. Vi sel i tillegg pølse med brød, for dei mindre eventyrlystne. Tradisjonen tru vert det også lotteri i regi av LPP med flotte premiar frå lokalt næringsliv.

Tema for verdsdagen i år er "tillit er beredskap".

Sist endra 08.10.2026 08:59