Skulane Velle og Vikemarka gjennomførte skuleløp som samla sett bidrog med omlag 75 000 kroner, eit kjempegodt resultat. Folkehøgskulen stilte med elevane sine som bøsseberarar og Rotary var stødige sjåførar i år, som i veldig mange år tidlegare. Takka vere dei fekk veldig mange fleire besøk. Kulturkafeen samla inn over 21 000 kroner. I tillegg fekk vi støtte både frå næringsliv og organisasjonar. Sparebank1 var også i år tellebank. 

Takk til alle som bidrog, takk til alle som gjekk og takk til alle som gav.

Det er framleis råd å støtte skuleløpa, eller vipps direkte til TV-aksjonen på 2133 dersom du ikkje rakk å gi i går.

Helsing leiar Per Are Sørheim og resten av TV-aksjonsnemnda