Kurset heiter Tuning in to Teens™ (TINT). Dette er eit foreldrerettleiingsprogram som fokuserer på å styrke det emosjonelle bandet mellom foreldre og tenåringen, i tillegg til å auke både emosjonell forståing og emosjonell kompetanse. 

Gjennom programmet vil ein bygge ferdigheiter innan noko som kallast emosjonsrettleiing, som handlar om å anerkjenne, forstå og handtere våre eigne og tenåringen sine følelsar. Ein tenåring som blir møtt med slik emosjonell forståing, vil også sjølv oppnå nye emosjonelle ferdigheiter og kompetanse, og vere betre rusta til å handtere opp- og nedturar i livet. 

Tuning in to Teens™ er gruppebasert med møter ein gang i veka over 6 veker:

Om TINT

Tuning in to Teens™ er forskningsbasert. Det er gjennomført mange studier som viser gode resultat. Gjentakande funn er at foreldre som deltek på TINT oppnår auka grad av emosjonsrettleiing, og tenåringane oppnår betre emosjonell forståing. Det rapporterast også om hyppig reduksjon i eventuelle internaliserande vanskar(psykiske helseplager som t.d. angst og depresjon) eller eksternaliserande utfordringar (utfordrande atferd og relasjonelle vanskar).

Tuning in to Teens™ fokuserer på å auke emosjonell kompetanse, som er evna til å:

• Identifisere og forstå eigne følelsar
• Bruke følelsar til å navigere i sosiale interaksjonar
• Bruke din emosjonelle medvit til å veilede deg når du løyser problemer
• Handtere frustrasjon og vere i stand til å vente på det du vil ha
• Forhindre at stress og uro overvelder evna til å tenke klart
• Ha kontroll over korleis og når du uttrykker følelsar