Ordførar Sølvi Dimmen, ordførar Per Are Sørheim, kst kommunedirektør Kari Flø, varaordførar Tove Halse Digernes, formannskapsmedlem Odd Magne Vinjevoll, varaordførar Sverre Leivdal og kommunedirektør Rune Sjurgard

Kommunestyret har gitt arbeidsgruppa følgjande mandat:

• Identifisere løysingar som gir gevinstar for tenestene og styrkar samfunnsutviklinga for dei to kommunane i lag, og kome med framlegg om konkrete samarbeidstiltak. 
• Leggje eit grunnlag for å kunne samordne prosessen med planstrategi og kommuneplan med sikte på felles visjon og overordna målsettingar for kommunane for kommunestyreperioden 2027 - 2031. 
• Utarbeide kravspesifikasjon og tinge utgreiing for å få eit kunnskapsgrunnlag for å vurdere samanslåing av kommunane Volda og Ørsta. Skaffe statleg finansiering for å dekkje kostnadene med utgreiinga.

Statsforvaltaren har gitt positiv tilbakemelding på initiativet frå dei to kommunane, og det er gitt signal om at det kan søkjast om statlege tilskot til utgreiingar og prosjektleiing. Arbeidsgruppa skal møtast att i januar for å jobbe med idear rundt framtidsbilde og leggje nærare plan for prosessen.

Referat frå møtet i arbeidsgruppa 28. november 2025 (PDF, 3 MB)

Saksframlegg: Framtidig utvikling av Volda og Ørsta - mandat for tverrkommunal politisk arbeidsgruppe.pdf (PDF, 4 MB)