Avtalen erstattar den førre frå 2016, og skal bidra til tettare samarbeid før, under og etter kriser og større hendingar.

Med endra risikobilete og større krav til samhandling, er målet å sikre betre koordinering og raskare hjelp til innbyggarane når det oppstår uventa hendingar.

Røde Kors er ein viktig samarbeidspartnar for kommunen, og bidreg med både frivillige, kompetanse og utstyr i beredskapsarbeidet. Avtalen tydeleggjer roller og ansvar, og legg til rette for godt samspel mellom partane.

Hovudpunkt i avtalen:

• Tett samarbeid om beredskap i kvardag og ved kriser
• Røde Kors bidreg med søk og redning, førstehjelp og omsorg
• Støtte til evakuering og drift av evakuerte- og pårørandesenter
• Bidrag med samband og utstyr dersom vanleg kommunikasjon sviktar
• Felles øvingar og opplæring for å styrke beredskapen