Det er naturleg å spørje kvifor ein må vedlikehalde gjerde dersom ein ikkje har dyr sjølv. Etter gjeldande regelverk er ansvaret for gjerdehald i mange tilfelle knytt til eigedomen og grensene mellom eigedomar, ikkje berre til den som eig dyra.

Landbrukskontoret oppmodar derfor grunneigarar om å sjekke at eigne gjerde og grinder er i god stand, gjerne før beitesesongen tek til. Dette gjeld både innmarksgjerde og utmarksgjerde.
 

Ansvaret følgjer eigedomen

Regelverket som regulerer gjerdehald er gjerdelova og grannegjerdelova. Ansvaret for vedlikehald følgjer den enkelte eigedomen, og gjeld også for grunneigarar som ikkje har husdyr eller som har slutta med husdyrhald.

Kommunen har ikkje heimel til å påleggje grunneigarar å vedlikehalde gjerde.
 

Viktig for beitenæringa og kulturlandskapet

Gode gjerde er viktige for at beitedyra skal kunne nytte utmarksressursane på ein trygg måte gjennom beitesesongen.

Beitedyr er ein viktig ressurs for kulturlandskapet vårt. Dei bidreg til å halde landskapet ope, tek vare på biologisk mangfald og er ein sentral del av matproduksjonen og landbruket i kommunen.
 

God dialog mellom naboar

Vi oppmodar til godt samarbeid, god dialog og gjensidig forståing mellom bønder, grunneigarar og naboar.

Les også om vedlikehaldsplikt på gjerder.