Ja, kommunestyret har vedtatt at eigedomsskatten skal auke frå 3‰ til 4‰ frå 01.01.2026. 

Eigedomsskatten kjem ein gang i månaden, på same faktura som andre kommunale eigedomsgebyr.

Oversikt over faktura og innhald finn du på Min eigedom.

I utgangen av februar får du skattesetelen. Skattesetelen viser oversikt over eigedomen med matrikkelnummer, takst, skattegrunnlag, skattesats og sum eigedomsskatt som gjeld, og er etter lova definert som enkeltvedtak med klagerett.

Fakturaen kjem for seg, saman med andre kommunale avgifter.

Fakturaen kan berre gå til éin person, datasystemet vel vilkårleg kven som får denne. Det har ingenting å gjere med andelen du eig.

For bustadar:

Kommunen hentar formuesgrunnlag frå Skatteetaten.

Nye bustadar er fritekne frå eigedomsskatt inntil 2 år etter ferdigstilling, fram til formuesgrunnlaget vert gjeldande.

Meir informasjon om skatteetaten sin utrekning finn du på skatteetaten sine nettsider, her kan du også endre grunnlaget for eigedomsskatten. 

For fritidsbustadar, våningshus, ubygde tomter og næringseigedom: 

Kommunen fastsett taksen.

Taksten er tufta på fakta om eigedomen der ulike bygningstypar og areal utgjer verdi etter sjablonar. Ubygde tomter regulert til næring, bustad eller fritid vert også skattlagd med sjablonverdi. 

Tilstand, standard og kvalitet på eigedomen vert vurdert utifrå utvendig synfaring. 

Klager på takst etter formuesgrunnlaget (for bustadar) skal rettast til Skatteetaten. Meir informasjon finn du på Skattetaten.no.

Klager etter kommunale takster (på fritidsbustadar, våningshus, ubygde tomter og næringseigedom) skal rettast til eigedomsskattekontoret. Klage kan sendast skriftleg i dette skjema.  

Klagefristen er 6 veker frå skattelistene vert lagt ut til offentleg ettersyn, eller frå det tidspunktet skattesetelen vert utsendt om det er seinare.

NB: Det kan ikkje klagast på same grunnlaget meir enn ein gong.

Fritak etter eigedomsskattelova § 7 a, b og c

• § 7a Eigedom eigd av institusjon, lag eller foreining som blir brukt til allmennyttig formål
• § 7b Historisk/freda bygg
• § 7c Nye bustadar inntil 2 år etter ferdigstilling

Kommunestyret kan årleg gjere enkeltvedtak om fritak etter søknad. For 2025 har kommunestyret gjort vedtak om fritak for eigedomar etter eigedomsskattelova § 7 a, b og c.

Søknadsfrist: 31. januar

Dei som fekk fritak i fjor og ikkje har endringar i grunnlaget, treng ikkje søkje på nytt for i år då fritaket vert forlenga med eitt år i gongen jf. vedtak i kommunestyret. Liste om bygg med fritak.

Søknadskjema

Fritak etter eigedomsskattelova § 28

Formannskapet kan i særlege høve setje ned/ettergje eigedomsskatten, jf. Eigedomsskattelova  § 28. Søknad etter denne paragrafen skal sendast til kommunen gjennom søknadskjemaet under. Sjå også KS sin rettleiar om temaet. 

Søknadsfrist 31. januar

Retningsliner for fritak frå eigedomsskatt etter § 28 i eigedomsskattelova:

• Husstandar med ei samla brutto årsinntekt lågare enn 3G (folketrygda sitt grunnbeløp x 3) ved siste skattemelding, kan søke om fritak. Som inntekt reknast løn, pensjonar, renteinntekter, aksjegevinstar mm.
• Bur det fleire enn søkjar i bustaden vil desse vert rekna med som ein del av hustanden og deira bruttoinntekt vert lagt saman med søkjar si brutto inntekt.
• Eventuell inntekt frå leigebuar vert rekna som inntekt for søkar.
• For einslege forsørgarar kan samla brutto årsinntekt vere opptil 3,5G ved siste skattemelding.
• Viss husstanden sine samla bankinnskot er større enn 1G (folketrygda sitt grunnbeløp), vert det ikkje gitt fritak frå eigedomsskatt. Dette gjeld berre for personar over 18 år med inntekt.
• Søkar må sjølv bu på eigedomen.
• Det er ikkje fritak frå eigedomsskatt på fritidsbustadar og sekundærbustadar.
• Retningslinjene skal evaluerast etter eit år for å sjå kva effekt dei har, og kor godt dei treff målgruppa. Det skal spesielt belysast kor mange søknadar som vert innvilga etter individuell vurdering.

Det er mogleg å søke sjølv om desse retningslinjene ikkje er oppfylt. Søknadar som ikkje oppfyller retningslinene, men som likevel kan oppfylle lova sine vilkår for fritak, vil verte handsama av formannskapet.

Jamfør eigedomsskattelova § 28 så gjeld vedtekne fritak berre for eit år, og det må søkast på nytt kvart år. Søknadsfrist 31. januar

Søknadskjema

Kommunen har tatt takst av fritidsbustadar, våningshus, ubygde tomter og næringseigedom det vart gjort ila sommaren 2025. Det vart også informert via kommunen sine kanalar.

I april 2025 fekk alle berørte eigarar brev om dette. 

Eigedomsskatten har auka frå 3‰ til 4‰, og kommunale avgifter som gebyr på vatn og avløp har i snitt auka til 6 og 10 % (og denne kjem på same faktura).