Følgjande grupper har auka risiko for alvorleg sjukdom og død ved influensasjukdom (risikogrupper), og blir difor tilrådd å ta influensavaksine:

• Alle frå fylte 65 år
• Bebuarar i omsorgsbolig og sjukeheim
• Gravide i 2. og 3. trimester, og gravide i 1.trimester med annan tilleggsrisiko
• Prematurt fødde barn, særleg barn født før veke 32 i svangerskapet, frå 6 månader til 5 år
• Barn og vaksne med:

o   Kronisk lungesjukdom (inkludert astma)
o   Hjarte- og karsjukdom (anna enn velregulert høgt blodtrykk)
o   Diabetes type 1 og 2
o   Leversvikt eller nyresvikt
o   Kronisk nevrologisk sjukdom eller skade, spesielt personar med nedsett lungekapasitet og/eller hostekraft
o   Nedsett immunforsvar som følge av sjukdom eller behandling av sjukdom (til dømes organtransplanterte, kreft, HIV, reumatoid artritt og andre sjukdomar)
o   Svært alvorleg fedme (KMI over 40)
o   Annan alvorleg og/eller kronisk sjukdom der influensa utgjer ein alvorleg helserisiko, etter individuell vurdering av lege

I tillegg anbefalast influensavaksine til:

• Helsepersonell og andre tilsette i helse- og omsorgstenesta som har nær kontakt med pasientar ved behandling eller pleie
• Personar som bur saman med (eller er tilsvarande nære) nokon som har nedsett immunforsvar
• Svinerøktarar og andre som har regelmessig kontakt med levande grisar
• Saneringspersonale og andre som jobbar med mistenkt eller stadfesta influensasjuk tamfugl

Folkehelseinstituttet (FHI) anbefaler at følgjande grupper bør ta ei ny oppfriskingsdose med koronavaksine før haust/vintersesong 2026/27:

• personar i aldersgruppa 75 år og eldre
• bebuarar i omsorgsbolig og sjukeheim
• personar i aldersgruppa 18-74 år som inngår i ei risikogruppe
• ungdom i aldersgruppa 12-17 år med alvorleg grunnsjukdom
• barn 6 månader–11 år med alvorleg grunnsjukdom etter individuell vurdering av barnets lege
• Personar som bor saman med (eller er tilsvarande nære) immunsupprimerte bør også ta koronavaksine. Personar i denne gruppa som er under 65 år og som ikkje tilhøyrer ei risikogruppe, er ikkje omfatta av voksenvaksinasjonsprogrammet og må betale full pris av vaksine og vaksinasjon

Personar i aldersgruppa 65-74 år som ikkje tilhøyrer ei risikogruppe kan få vaksine gjennom nasjonalt vaksinasjonsprogram for voksne, dersom dei ønsker det.

FHI anbefalar som tidlegare pneumokokkvaksinering for alle som er 65 år eller eldre, i tillegg til personar i risikogrupper.

Kommunen din har ansvar for å tilby pneumokokkvaksine dersom du har rett på den gjennom voksenvaksinasjonsprogrammet. Du kjem inn i voksenvaksinasjonsprogrammet det året du fyl 65 år.  Om du tidlegare er vaksinert med Pneumovax må det gå minst eitt år før ein kan få vaksinen Prevenar 20.

På førehand kan du gjerne søke opp på helsenorge.no om du har teke, ev. når du tok pneumokokkvaksinen sist.

NB! Det er kun personar som er født i 1960 og 1961 som får denne vaksinen til redusert pris gjennom voksenvaksinasjonsprogrammet. Personer som er anbefalt vaksinen, men ikkje har rett på den gjennom voksenvaksinasjonsprogrammet, kan få satt vaksinen enten på vaksinasjonsklinikk eller apotek (ved sistnevnte alternativ må du få resept frå lege først).