Område som skal skogast. Klikk for større bilde

02.12.25 Skogrydding i fonnvernområdet

Ørsta kommune har inngått avtale med Timberman AS om å fjerne skog inne i fonnvernet og områda rundt. Arbeidet startar no og vil føregå dei neste dagane for å bli ferdig før snøen kjem.

Dette er nødvendig for å sikre at fonnvernet fungerer som det skal. Dersom skogen får vekse vidare, kan det svekke vernet mot snøskred. Kommunen har fått klar fagleg anbefaling om å ta ned skogen før den blir større.

Dette skjer no:

• Entreprenøren er på plass med maskiner og utstyr.
• Skogen i fonnvernområdet blir fjerna for å bevare tryggleiken.

Viktig for publikum:

• Hald god avstand til maskiner og følg skilting og sperringar.
• Det er forbode å ta med seg treverk (ved) frå området – dette er entreprenøren sin eigedom.
• Treverket blir lagra på området og flisa neste vår/sommar, før levering til Eldhuset.

Vi ber alle vise omsyn og følgje reglane for tryggleik medan arbeidet pågår.

12.11.25 Vinterstengt/sommarope veg: Vatnedalen/Aldalen

Vegen Vatne–Hunnes (Aldalen) stenger for vinteren torsdag 13. november 2025 kl. 10.00. 

01.09.25 Skår ferjekai opna

No er det gjort utbetringar på brua og den skal tole trafikk igjen. I den komande to- årsperioden vil kommunen, i samråd med Tussa Energi og eventuelt andre, vurdere om det er mogleg å skifte ut eksisterande bru med ei nyare til ein kostnad som er rekningssvarande, for kommunen og samfunnsøkonomisk. Dette vil vere eit spørsmål som det må takast stilling til på politisk nivå.

27.05.25 Skår ferjekai stengt
I samband med arbeid på Skår ferjekai har Ørsta kommune motteke uromelding frå entreprenør om tilstanden på køyrebru/brufront. Det er avdekt at konstruksjonen på køyrebru/brufront er alvorleg svekt, noko som utgjer ein stor risiko for tryggleiken. Kommunen vedtek difor å stenge ferjekaia for all trafikk inntil ein har fått vurdert styrken på køyrebrua.

07.08.25 Kloring av drikkevatn: Åmdalen 

Grunna sporadiske funn av uønskte bakteriar i drikkevatnet i område frå Høgebrua og fram til Bondalseidet har Ørsta kommune ei tid tilsett klor. 

Klor vert dosert i pumpestasjon ved Høgebrua. Derifrå vert vatnet distribuert vidare til Åmås, Legene, Åmbakk, Brautaset, og heilt til Bondalseidet.

Kvalitet på alt kommunalt drikkevatn vert kontinuerleg overvaka og kontrollert jamfør eigen plan for prøvetaking i samsvar med Drikkevassforskrifta. Etter at klordosering vart sett i gang har vi ikkje hatt avvik knytt til bakteriologisk kvalitet i forsyningsområdet.

Kommunen har motteke meldingar frå abonnentar i Åmdalen om klorlukt og -smak på vatnet levert frå kommunal vassforsyning. Restklor er mengde klor i vatnet etter desinfeksjon. Restklormengda, smak og lukt av vatnet, vil variere noko avhengig av mellom anna nærleik til doseringspunktet. Jamlege målingar av restklorverdiar syner at innhaldet er i nedre sjikt og innanfor krav i retningsliner frå Mattilsynet, uavhengig av prøvestad.

Kloring av drikkevatn i området vil halde fram til vi har funne årsak til forureining og sett i verk permanente tiltak.

29.10.24 Drikkevatnet for kommunale abonnementar frå Høgebrua og til og med Bondalseidet blir svak-klora då det er oppdaga bakteriar som kommunen ikkje har funne kjelda til. Kommunen jobbar kontinuerleg for å løyse problemet. Abonnementar blir oppdatert via SMS-varsling.

29.10.24 Bassenget i Ørsta er stengt på ubestemt tid

Årsak er svikt i ventilasjonsanlegget og tilhøyrande kondensering.  Fukt har metta takplater som risikerer å falle ned. Bassenget er stengt på ubestemt tid.