Skap eit godt miljø for lesing heime

Snakk positivt om lesing heime. Oppmod til lesing, hjelp barnet med å finne lesestoff som interesserer, ros barnet når det les, og ver ein rollemodell og les sjølv. Lån bøker og lydbøker på biblioteket.

Les bøker for barna

Høgtlesing gir mange fordelar: Det er sosialt samlande for både vaksne og barn, det aukar lesegleda og er bra for språkutviklinga og fantasien. 

Snakk saman

Mange av dei små som strevar med lesing, gjer det fordi ord ikkje gir meining for dei. Det er for mange ord dei ikkje forstår. Barn får tilgang til ord gjennom språket og ved at dei brukar språket til å sette ord på opplevingar, hendingar og liknande. Det er difor viktig å snakke om livet og verda; for eksempel om jobben sin, fritidsaktivitetar, nyheiter og bøker. 

Vis interesse for det barna gjer på skulen

Ver nysgjerrig og snakk om det som skjer i skulekvardagen til barnet. Følg med på informasjon frå skulen, og vis at skulen og heimen samarbeider. Snakk positivt om skulen heime.

Øv på bokstav og lyd

For å lære å lese må barnet vite at kvar bokstav både har eit namn og ein lyd. Det kan vere lurt å legge inn små bokstav- og lydøvingar i kvardagen. Til dømes finne første og siste lyd i ord og namn, finne bokstavar på skilt. 

Leik med rim og regler

Det er viktig for leseutviklinga at barnet kan å rime og det er spennande og motiverande å lytte til. Til dømes du seier SOPP – barnet rimer og seier KOPP. 

Snakk om innhaldet i teksta

Å lese er meir enn å berre avkode, også for små lesarar. Derfor er det viktig å venne barnet til å reflektere og tenke over det ein les. Det gjeld både når barnet les sjølv og når ein vaksen les høgt for barnet. 

Still spørsmål som inviterar til språkbruk

I ein travel kvardag er det lett å stille spørsmål som barnet kan svare på med eit enkelt “ja” eller “nei”, til dømes: “Har du hatt det fint i dag?” Still heller spørsmål der barnet må fortelje, som: "Kva gjorde du på fotballtreninga i dag?".

La barnet ditt skrive

Mange barn oppdagar koplinga mellom lyd og bokstav når dei skriv. Ha difor skrivesaker og ulike typar ark lett tilgjengeleg. Det er fint å gjere skrivinga meningsfull for barnet. La det for eksempel skrive ”snop” på handlelista for helga. Elles gir skriving på datamaskin eller nettbrett også viktig skrivetrening.

• La fingeren følgje tekstlinjene når de les, slik at barnet kan «lese» saman med deg
• Drage bokstavlydar saman til ord. Mange barn les lyd for lyd når dei lærer å lese. Det er viktig å øve på å drage bokstavlydane saman til ord. Då er det enklare for barnet å høyre kva ord dei les
• Når de kjem til rare og vanskelege ord, kan de stoppe opp og snakke om kva ordet betyr
• Gi barnet ditt oppmuntring, ros og støtte.

Her er eit døme på korleis de kan arbeide med leseleksa: Film 

• Snakk positivt om lesing heime
• Ver eit godt førebilde og les sjølv
• Sett av tid til oppfølging av lekser og vis interesse for skulearbeidet
• Snakk om teksten, be dei forklare kva dei les. Forklar ord og omgrep, som ei støtte for forståinga
• Finn ut kva interesser barnet/ungdommen har, og finn lesestoff som engasjerer 
• Snakk med borna om den digitale kvardagen, filmar og program de ser saman, og lær dei å stille spørsmål og vere kritiske.

• Snakk positivt om lesing heime
• Snakk om og vis interesse for det ungdommen les. Still spørsmål og be dei forklare kva dei las
• Snakk med ungdommen om kvardagen, det dei ser på og spelar. Sett deg inn i den digitale kvardagen til barnet ditt og hjelp dei til å vere kritiske og stille spørsmål til innhaldet
• Tilby lesestoff til ungdommen ut i frå kva dei interesserer seg for. Prøv å medverke til at ungdommen les noko frivillig
• Ver eit godt førebilde og les sjølv.