Landbruksplast er næringsavfall, og gardbrukar er pålagd å levere denne inn til eit godkjent avfallsmottak. Forsøpling med landbruksplast er ikkje tillete jamfør § 28 i Forureiningslova. Rett sortert plast frå landbruket kan leverast gratis ved mottaka opplista i fana under.  

Plasten må vere fri for :

• jord
• stein
• nett
• bindegarn 
• og andre framandelement. 

Garn/nett leverast for seg og skal ikkje ligge inni plasten. 

For at ein skal kunne fortsette med innsamlingstilbodet, er det viktig at plasten vert sortert rett ved levering. Farga og kvit plast må då sorterast kvar for seg. Det er ynskjeleg at det vert brukt kvit plast. Hylser til rundballeplast leverast som restavfall.  

• Retura SS avd. Hovdebygda  Sjå sorteringsrettleiar frå Norsirk 
• Tenden Miljø - Stryn 
• Stranda gjenvinning og transport AS
  • Organisert henting er oppe og går med dette firmaet for Ørsta kommune. 
  • Organisert henting for Volda er under utarbeiding
• Felleskjøpet - henting/levering av komprimert plast (tek også imot retur av storsekkar gratis)  

Det er gratis å levere på desse stadane når plasten er rett sortert.

For at plasten ikkje samlar opp meir sand og jord, er det lurt å ha ein fast lagringsplass før plasten leverast. Dette kan for eksempel gjerast med å ha ein container ståande heile året som fyllast fortløpande, eller å mellomlagre plasten på ein anna trygg stad fram til henting eller levering. 

Om mengda med plast er mindre kan 1000 L syrecontainer eller korg til den også brukast. Rundballenett kan haldast avskilt frå anna plast i vanlege søppelstativ med avfallssekkar. 

Av ulike årsaker vert det liggande rundballar som aldri vert brukt. Desse rotnar langsamt før plasten vert liggande igjen og deretter bles vekk eller forvitrar i jorda. Då kan dyr ete den, eller den hamnar i kretsløpet, noko som ikkje er ynskjeleg.  

Korleis hindre at rundballeplast kjem på avvegar?