TT-kort

TT-kort

Transporttenesta for forflyttningshemma er eit tilbod om drosjetransport til personar som er varig forflyttningshemma på grunn av fysisk eller psykisk funksjonshemming. Transporttenesta kan vere til hjelp slik at dei kan få høve til å delta i aktivitetar i nærmiljøet.

Tenesta er ikkje ein lovfesta rett, men eit velferdsgode som fylkeskommunen tilbyr innbyggjarane. Fylkeskommune vedtek beløpet som skal brukast, og korleis tenesta skal organiserast. 

Kommunen behandlar søknadane, i tillegg til innmelding og utmelding av ordninga.

Kven kan få TT-kort?

  • Personar som grunna si funksjonshemming er varig forflytningshemma og difor har vesentlege vanskar med å reise kollektivt, kan søkje om TT-kort
  • Funksjonshemminga må vare i minst to år for at søkjar skal bli godkjent som TT-brukar
  • Nedre aldersgrense er 10 år
  • Manglande busstilbod eller vanskar med å bere gjev ikkje rett til TT-kort

Retningslinjer for TT-kort
 

Kva kan du bruke TT-kortet til?

TT-kortet er til fritidsreiser.

Du kan ikkje bruke TT-kortet til:

  • Eigenandel til reiser med TT-kort
  • Sjuketransport
  • Legebesøk
  • Andre reiser som vert dekt av NAV eller andre offentlege myndigheiter

 

Slik søkjer du om TT-kort

  • Fyll ut søknad om TT-kort
  • Legg ved legeerklæring

Søknadskjema

Legeerklæring

Send til:

Adresse: Ørsta kommune, Dalevegen 6, 6153 Ørsta

Meir informasjon finn du på heimesida til fylkeskommunen. 


Klage på vedtak

Vedtaket er eit enkeltvedtak/einskildvedtak som du kan klage på. Klagefristen er 3 veker frå du fekk vedtaket frå kommunen. Klagen må vere skriftleg og du må grunngi kva du klagar på.

Klagen sender du til:

Adresse: Ørsta kommune, Dalevegen 6, 6153 Ørsta

E-post: postmottak@orsta.kommune.no

Nyttige lenkjer

Kontakt

Ørsta kommune – 09.00–15.00
70049700
@ Ørsta kommune
Runa Bakke tenesteleiar Helse, tildeling og koordinering
91621147
@ Runa Bakke