Følgjekort (ledsagerbevis)
Har du fysisk eller psykisk funksjonsnedsetting kan du med eit følgjekort (ledsagerbevis) ta med deg ein person utan ekstra kostnad på offentlege kultur- og fritidsarrangement og på transportmiddel der ordninga blir akseptert.
Kven kan få følgjekort?
- Har du ei fysisk eller psykisk funksjonsnedsetting som varer minimum 2 år, kan du få følgjekort.
- Følgjekort blir tildelt uavhengig av søkjar sin økonomi eller livssituasjon.
- Det er ingen øvre aldergrense, nedre aldersgrense er normalt 6 år.
Slik søkjer du
Søknadsskjema
(eller skriv ut PDF)
Formål
Formålet med ordninga er å førebyggja isolasjon og bidra til auka livskvalitet. Den som har ein funksjonsnedsetting som gjer at ein treng følgje for å delta på kultur- og fritidsarrangement eller nytte offentleg transportmiddel, skal med følgjekortet kunne ha med seg eit følgje, utan at den personen treng å betale for billetten.