Demens er ein hjernesjukdom som rammar eldre og yngre menneske. Hjå demente døyr hjernecellene fortare enn i den normale aldringsprosessen. Som årsak reknar ein to hovudtypar. Alzheimers sjukdom er den mest utbreidde og kjem oftast snikande og gir ei langsam svekking av den mentale evna. Den andre som vert kalla multiinfarktdemens oppstår som regel brått, på grunn av eitt eller fleire hjerneslag som øydelegg område i hjernen.
Kjenneteikn på sjukdommen er svekka mental kapasitet og medfører svikt i læring, språkevne, hukommelse og tenking. Sjukdommen er kronisk, kan ikkje kurerast og forverrar seg ofte over tid. Etter kvart misser personen med demens evna til å gjere dei vanlege gjeremåla, vert ofte lett forvirra og har vanskar med å kjenne att menneske og stadar. Klarer ofte ikkje å halde styr på dagar og klokkeslett. Ved langt komen sjukdom maktar ikkje personen å ta vare på seg sjølv lenger, og treng hjelp til det meste.
Sjukdomsutviklinga varierer mykje alt etter årsak til sjukdomen, og korleis denne har innverknad på den einskilde person.