Gruppene har løpande inntak, og leiast av fysioterapeut med kompetanse innan kvinnehelse. Påmelding direkte til fysioterapeut. 

Pris: kr 109 pr økt, jf. Gjeldande takstar for fysioterapibehandling i gruppe. Inngår i eigenandelstak for frikort.

Individuell undersøking før oppstart

Deltakarane på svangerskap- og barselgruppene vil få tilbod om individuell undersøking hjå fysioterapeut før oppstart. Målet er å:

• Kartlegge funksjon og ev Problematikk/smerte.
• Rettleiing i høve aktivitet og trening.
• Tilpassing av øvingar ved behov.

Ved undersøking av funksjon i bekkenbotn, som særleg er anbefalt etter fødsel, kan fysioterapeuten gjere vaginal undersøking i samråd med pasient. Forsking viser at halvparten av kvinner trenar feil når dei skal trene bekkenbotnen, ei slik undersøking vil difor sikre at du gjer dette rett.

Ved individuell undersøking vil takst for individuell fysioterapibehandling gjelde (ca. 300 kr avhengig av tidsbruk). Inngår i eigenandelstak for frikort. 

Gravidgruppe

Tidspunkt: Torsdagar kl. 13:30

Kven kan delta?

Du kan delta om du er gravid – uavhengig av svangerskapslengde eller treningsbakgrunn.

Kva gjer vi?

• Jobbar med styrke og mobilitet, med særleg fokus på rygg, bekken og bekkenbotn.
• Fysioterapeuten kan hjelpe deg med å gjere individuelle tilpassingar og finne alternative øvingar
• Vi nyttar mellom anna treningsball som kan gi god støtte, redusere belastninga på kroppen og legge til rette for både styrketrening og avspenning.

Kvifor delta?

• Betre uthald og styrke som kan gjere svangerskap og fødsel lettare
• Redusert risiko for svangerskapsrelaterte plager til dømes rygg- og bekkensmerter
• Auka velvære, stressreduksjon og betre søvn
• Aktivitet i svangerskapet legg også eit godt grunnlag for barnets framtidige helse.

Barselgruppe

Tidspunkt: Torsdagar kl 10:45

Kven kan delta?  

Mor og baby frå ca. 6 veker etter fødsel.

Fokusområde:

• Bekkenbotn, djup kjerne, generell styrke og mobilitet.
• Trygg oppstart av aktivitet etter fødsel.
• Sosialt fellesskap med andre mødre.

Kvifor delta?

• Styrkar kroppen og fremjar restitusjon i eit trygt miljø etter fødsel
• Fremjar psykisk helse og reduserer risiko for nedstemtheit
• Trening av bekkenbotnen er anbefalt for alle kvinner etter fødsel, då det gir raskare læking, har sterk evidens i forsking for å forebygge og behandle urinlekkasje, redusere prolaps og betre livskvalitet.

Nyttige lenkjer

Trening som gravid og etter fødsel - Helsenorge