A. Generelle reglar
A.1
Gebyrregulativet gjeld sakshandsaming etter reglane i eigarseksjonslova og omfattar ikkje løyve etter anna regelverk.
A.2
Gebyrsatsane er ikkje inkludert tinglysingsgebyr eller ev. dokumentavgift.
A.3
Gebyra er unnateke meirverdiavgift.
A.4
I saker som utløyser dokumentavgift må denne vere betalt før saka vert sendt til tinglysing.
A.5
Dersom andre enn søkar skal betale gebyret, må det føreligge skriftleg avtale mellom søkar og den som skal ha faktura. Søkar er solidarisk ansvarleg.
A.6
Det er ikkje klagerett på fastsetting av gebyr i enkeltsaker, der gebyret er heimla i eigarseksjonslova § 15. Søkar har likevel høve til å søke om reduksjon av gebyr, der gebyret framstår som klart urimeleg i forhold til dei prinsipp som er lagt til grunn. Søknad om reduksjon av gebyr må innsendast innan 3 veker etter at faktura er motteke.
A.7
Dersom eigar under saksgangen gjer endringar i grunnlaget for matrikkelføring av saka, vert gebyret likevel oppretthalde.
A.8
I ei sak der kommunen må innhente informasjon frå grunnboka ved bestilling av slik informasjon, vil slike kostnader bli lagt til dei andre gebyrkostnadane (ref. MDs rundskriv T-5/09).
A.9
Kommunestyret vedtek gebyrregulativet og endringar i dette, normalt i samband med kommunestyret si handsaming av budsjettet for komande år. Gebyrsatsane skal regulerast årleg, og satsane gjeld frå kunngjeringsdato. Alle satsar skal avrundast til næraste heile 50 kroner.