Bygningar eller områder med bygningar som har direktevarsling til 110-sentralen skal ha nøkkelsafe. Nøklar skal plasserast i anbefalt nøkkelsafe som er koda til brannvesenet sin safenøkkel.

Nøkkelsafe plasserast ved brannvesenet sin hovudangrepsveg, lett synleg 0,5 - 2 meter over bakken. Endeleg plassering skal aksepterast av brannvesenet. 

Brannvesenet konttaktast ved programmering av safe og plassering av hovednøkkel. Ved endring av låsesystem må eigar/driftspersonell påsjå at brannvesenet kontaktast slik at nye nøklar/kort leggast i nøkkelsafe. Dersom det ligg fleire nøklar enn hovudnøkkelen i nøkkelsafen må desse merkast tydeleg. Kode til eventuell innbrotsalarm bør også leggast i safen.

Thomas Winther Leira

Bygningar eller områder med bygningar som har direktevarsling til 110-sentralen skal ha laminerte orienteringsplanar i eigna behaldar montert i hovudangrepsveg ved branntavle. 

På orienteringsplanane skal det gå fram alle brannskille, angrepsvegar(dører inn), branntekniske installasjonar som sprinklersentral, røykluke o.l., i tillegg til meldernummer i alle rom som stemmer med det som kjem på brannsentralen for rask lokalisering av utløyst meldar/brannen.

Ber om at kopi av orienteringsplanar vert sendt til brann@orsta.kommune.no for innlegging i kartsystemet vårt.

Thomas Winther Leira

Er det bom over tilkomstvegen er det viktig at du får avklart korleis ein løyser dette. Du skal derfor ta kontakt med brannvesenet for å avklare korleis ein løyser dette ved ein akutt situasjon. Det kan vere enkle løysingar som nøkkelboks, telefonstyring eller andre løysingar.

For telefonisk styrte bommar skal desse registrerast med naudsentralen på www.110-sentralen.no/skjema. Ved å gjere dette vert bommane tilgjengelege både for brannvesenet og ambulansen direkte i deira køyretøy.

Ørsta kommune

Slokkevassforsyning kan vere komplisert. For å ivareta dei mest generelle funksjonskrava i TEK17 har vi utdjupa nokre av forskriftskrava.   

• Brannkum/brannhydrant skal plasserast innanfor 25-50 meter frå hovudangrepsveg (hovudinngang).  Slangeutlegg frå vassuttak til bil og frå bil til angrepsveg målast i brøyta veg.   
• Nok brannkummar/brannhydrantar til å dekkje alle delar av byggverket. Maks 100 meter slangeutlegg frå slokkevassuttak inn til brannen.  Med dette meinar vi inntil 50 meter frå kum/hydrant til brannbil og  inntil 50 meter frå inngangsdør/port inn til brannen.   
• Om slokkevassuttaket er nærare enn 25 meter frå bygget må det vurderast om uttaket er tilstrekkeleg beskytta mot strålevarme og potensielt nedfall frå fasade eller tak.   
• Brannkum/brannhydrant må plasserast godt synleg frå angrepsveg og slik at det er lett tilgjengeleg, også på vinterstid.   
• Brannkum må merkast tydleg med kumskilt på stolpe eller fasade i umiddelbar nærleik til kummen.På skiltet skal avstand og retning framgå.
• Brannkum må plasserast på areal som ryddast for snøv vinterstid og som ikkje er biloppstillingsplassar eller liknande.   
• Brannkumventil må plasserast slik at den er mulig å betene med brannvesenets materiell. Det betyr at uttaket i kum må plasserast slik at ein får kopla på stender utan at ein kjem i konflikt med kummen og samtidig får tilgang ned i kummen ved behov.

Ørsta brann og redning

Sjøvatn

Ørsta brann og redning ser ikkje på sjøvatn som ei opa vasskjelde som er tilgjengeleg heile året eller som eigentleg eigna til sløkkevatn. Dette kjem av at tilkomsten til sjøvatn i mange tilfelle er særs vanskeleg, samstundes som tilgang til pumpemateriell er avgrensa. Eventuell planlegging av bruk av sjøvatn som sløkkevasskjelde bør utgreiast og risikovurderast særskilt. Mellom utfordringane er t.d.:

• Høgdeskilnad på vasstanden ved flo og fjøre.
• Ekstremvêr vil i mange tilfelle gjere tilkomsten til sjøvatn umogleg.
• Avstand frå sjøvatn til byggverket vil i dei fleste tilfelle overstige kravet, jf. 25-50m frå hovudangrepsveg.
• Tryggleiken til innsatspersonell.
• Driftsikkerheit for pumper – eks. Tetting av pumpesil, inntak av partiklar som skadar pumpa, variasjon i vasstand, m.m.
• Høgdeskilnaden mellom pumpeinntak og vassoverflata.
• Is som hindrar tilgang til sjøen – Kan ikkje pårekne å hakke hol i isen.

Vassleidningsnettet til private er det ikkje kommunen som prosjekterar. Utføring, merking, vedlikehald og brøyting kan derfor variere. Dei kjem heller ikkje alltid fram av kommunen sine kart. Sløkkevassuttak tilknytt private vassleidningar bør derfor utførast som brannhydrantar.

Sløkkevassuttak med avgrensa vassmengd, for eksempel uttak koplet til vassbasseng, tank el. skal merkast tydelig med tilgjengelige vassmengde og trykk.

På bygg med solcelleanlegg eller solfangaranlegg skal det finnast informasjon om anlegget. Dette gir brann- og redningsvesenet moglegheit til å vurdere risiko ved aksjonar knytt til bygget.

Det visast til gjeldande regelverk og brannrettleiaren for solenergianlegg: https://drbv.no/wp-content/uploads/2020/04/Brannveilleder-solenergi.pdf

Vi anbefalar at rettleiaren følgast vedrørande viktig informasjon til brann- og redningsvesenet:

• Plassering av naudstopp.
• Straumførande kablar etter utkopling.
• Plassering av batterilager.
• Oppbygging av underliggjande konstruksjon  (inkl. type isolasjonsmateriale og moglegheit for holtaking)
• Demontering - type verktøy og størrelse/dimensjon.
• Beskriving av plassering av solcellepanel/solfangarar.
• Kontaktpersonar - Eigar, driftsansvarleg, produsent/leverandør.
• Generell info - størrelse på anlegget, type anlegg, med meir.
• Teikningar/bilder som viser sikre soner, installasjonen og punkt for betjening.

Informasjonen bør samanstillast i ein orienteringsplan og skal plasserast saman med brannsentralen

Prosjekterande for prosjektet må sjå til at løysinga som vert velt vert den beste for det konkrete anlegget. Punkta over er meint som betraktningar frå brannvesenet si side som brukar av desse funksjonskrava og gir konkrete kriterie basert på Ørsta brann og redning sitt faktiske utstyr. Sjå teknisk forskirft § 11-17 Tilrettelegging for rednings- og slokkemannskap.