SMS-varsel

Varsel om feiing vert sendt per SMS. Om du ikkje kan varslast på denne måten vil feiar kontakt deg eller varsle deg med lapp på døra. Det er viktig å følgje instruksjonane som står i meldinga.

Telefonnummeret dette sendast frå er eit nummer på 14 siffer.
Det startar på 225801xxxxxxxx og nummeret kan til dømes sjå slik ut:

Og SMSen kan til dømes sjå slik ut: 

Klikk for større. Skjermbilde

Slik svarar du på SMSen:

Om det passar for deg med feiing den dagen svarar du med å skrive berre talet 1, tilbake.
Om det ikkje passar for deg med feiing den dagen svarar du med å skrive berre talet 2, tilbake.

Om det ikkje passar må då sjølv ta kontakt med feiar for å avtale ny tid. 

HUGS at har du utvendig tilkomst (utvendige stiger opp til pipa) treng du ikkje vere tilstades under feiinga.

Dette må du gjere FØR feiing

• Alle omnsdører, luker og spjeld må vere lukka for å unngå sotskade 
• Er du usikker på om overgang mellom eldstad og skorstein er tett bør du dekke til med laken eller liknande 
• Sørg for at det er tilfredsstillande tilkomst for feiing av skorsteinen. Sjå tips og råd for å få godkjent feietilkomst.
• Sørg for at feie-/sotluker er tilgjengelege 
• Ved feiing frå tak: Legg stigen klar der feiar skal gå opp på taket. Om stigen er tung må du sjølv sørge for at den vert røyst og sikra så born ikkje kan klatre i den. Stigen skal plasserast slik at det er lett å gå direkte frå denne og over til takstigen. Den skal rage minst 1 meter over raft. På glatt underlag må lause stigar sikrast mot å gli.
• Informer alle i bustaden om at det skal feiast 
• Det må ikkje vere fyr i eldstad(-ane) under feiinga 

Dette må du gjere ETTER feiing

Fjerne sot

Har du ikkje avtalt med brannførebyggjaren at han skal ta ut sotet, må du sjølv sørge for å gjere dette etter feiinga. Hugs å oppbevare sotet i ein eldfast behaldar.

Kvifor er det viktig at sotet fjernast?

Byggjer det seg opp mykje sot i botnen av skorsteinen kan dette ta fyr.