Kommunal bustad

Utleigebustad for deg som har vanskar med å skaffe deg ein stad å bu.

Kommunal bustad er eit tilbod til deg som ikkje klarer å skaffe deg ein eigna bustad sjølv eller med annan offentleg hjelp, eller treng spesiell tilpassing på grunn av fysisk eller psykisk funksjonsnedsetting, eller alvorleg rusproblem.

Du kan søke om å leige kommunal bustad. Kommunal bustad er eit mellombels tilbod. Leigetida er vanlegvis 3–4 år.

Korleis søkje om kommunal bustad?

Søknadskjema

Kva kostar det å bu i ein kommunal bustad?

Husleiga varierer med bustaden sin størrelse og plassering/stad.

Husleige vert sett på bakgrunn av leigeprisane på liknande bustader som er leigd ut på liknande vilkår i marknaden. Dette vert kalla “gjengs leige”. Gjengs leige er basert på undersøkingar i marknaden og bustaden sin standard.

Normalt ligg husleige for kommunale bustader lågare enn prisen for å leige ein tilsvarande bustad ute på marknaden.

Depositum

Vi krev ikkje depositum, men i nokre tilfelle stiller kommunen krav om depositumsgaranti.

Kva er inkludert i husleiga?

Kva som er inkludert i husleiga varierer litt frå bustad til bustad, ut frå kvar bustaden ligg og kven som eig bygninga (Ørsta kommune, burettslag eller sameige)

Eksempel på kva som kan vere inkludert er straum, oppvarming, TV, internett og parkering.

Har du søkt eller vurderer du å søke kommunal bustad? Du vil få meir informasjon om kva som er inkludert i husleiga når tildeling og koordinering/flyktningtenesta har funnet ein bustad til deg og bustadkoordinator held visning for deg.

Bur du i ein kommunal bustad? Du kan sjå i leigekontrakta di kva som er inkludert i husleiga.

Innbuforsikring er aldri inkludert i husleiga. Om du leiger kommunal bustad, rår vi til at du teiknar innbuforsikring. Du kan kontakte eit forsikringsselskap for meir informasjon og tilbod.

Betaling av husleiga

Du får faktura for husleige kvar månad. Fakturaen for gjeldande månad vert sendt ut tidleg i månaden, og du må betale den innan den 28. i same månad.

Elektronisk betaling av husleiga

Det kan vere lurt å opprette avtalegiro eller eFaktura. Då veit du at husleige vert betalt i tide. Banken din kan hjelpe deg med dette.

Om du vil ta imot faktura ferdig utfylt i nettbanken, kan du bestille eFaktura i nettbanken din. Når du har ordna eFaktura, vil du ikkje lenger få faktura i posten.
Om du ønskjer at husleiga vert betalt automatisk frå din konto kvar månad, kan du opprette avtalegiro i banken din.

Ikkje fått faktura?

Er det mindre enn fem dagar til betalingsfrist går ut og enno ikkje motteke faktura? Ta kontakt med bustadkoordinator.

Kva skjer om eg betalar for seint?

Det er ikkje mogleg å endre forfallsdato eller utsetje betaling av husleiga. Forfallsdatoen er bestemt i husleigekontrakta di.

Dette skjer om du ikkje betaler husleiga innan forfallsdatoen:

15–20 dagar etter forfallsdato får du ei purring med purregebyr. Vanlegvis kjem purringa omtrent samtidig som faktura for husleige for neste månad. Om du ikkje har mogelegheit til å betale både purringa og neste husleige, er det viktig at du betaler purringa fyrst. Vær merksam på kva faktura du betaler.
Om du ikkje har betalt purringa, får du ei åtvaring med ein ny, høgare gebyr etter tre veker. Om du heller ikkje har betalt husleiga for neste månad, blir denne inkludert i åtvaringa.
Betaler du ikkje heile beløpet du skuldar etter åtvaringa, risikerer du å misse bustaden din. Saka vert sendt til namsfogden for utkasting, og du vil ikkje ta i mot ytterlegare varsel.
I tillegg til husleige og purregebyra, må du også betale forsinkingsrente. Denne begynner å løpe fem dagar etter forfallsdato. Du får ein eigen faktura for forsinkingsrente etter at vi har motteke betalinga di, eller kvar tredje månad.

Ta gjerne kontakt med bustadkoordinator eller økonomi og rekneskap om du har spørsmål om betaling av det du skuldar.

Du kan også få økonomisk rettleiing og hjelp av NAV-kontoret i kommunen.

Endra husleige

Vi justerer husleiga kvart år:

Ein gong i året aukar husleiga i høve til prisveksten generelt i samfunnet. Dette vert kalla indeksregulering og inneber normalt ei endring i husleiga. Du får vite at det kjem ei endring av husleiga ein månad før husleigeregulering vert sett i verk.
Både du og kommunen kan kvart 3. år krevje at husleiga vert justert til korleis leiga generelt har endra seg i marknaden. Dette kallast gjengs-leige regulering og inneber som oftast ei litt større endring i husleiga. Gjengs-leige krev varsel 6 månadar før justering og minimum eitt år sidan førre indeksregulering.

Dersom endringa gjer det vanskeleg for deg å betale husleiga, kan du søke statleg bustøtte.

Leigekontrakt

Fornye leigekontrakt

Har du behov for å fortsette å bu i bustaden etter at leigekontrakta har gått ut?

Då må du søkje tildeling og koordinering/flyktningtenesta om fornying av leigekontrakta. Gjer det i god tid, gjerne fire månadar før kontrakta går ut, slik at tildeling og koordinering/flyktningtenesta får tid til å handsame søknaden.

For å søke om å fornye leigekontrakt, bruker du vanleg søknad om kommunal bustad.

Seie opp leigekontrakt

Vil du flytte frå bustaden din før leigekontrakt går ut?

Du må seie opp leigekontrakta skriftleg minst 3 månadar før du vil flytte.
Du må betale leige for heile oppseiingsperioden, også om du flytter tidlegare. Etter avtale kan unntak gjerast ved til dømes dødsfall og flytting til institusjon.
Flyttar du og leverer nøklar til bustadkoordinator etter frist for utflytting, må du betale leige til og med den dagen du leverer nøklar.

Skjema – seie opp kommunal bustad

Seie opp leigeforhold til avdøde

Når nokon dør, er det mykje å tenke på. Ein av desse tinga er kva ein gjer med bustaden og leigekontrakt.

Ved dødsfall, vert det oppretta ei sak (eit bu) hos lokal tingrett. Pårørande kan avgjere kven som skal vere kontaktperson i buet.

Kontaktpersonen/pårørande må så raskt som mogleg informere Ørsta kommune ved bustadkoordinator om dødsfallet.

For å seie opp leigeforholdet, må du gjere følgjande:

Du må ha ei stadfesting/skifteattest fra lokal tingrett, der det går fram at du er representant/kontaktperson i buet.
Du må sende kopi av stadfesting/skifteattesten til bustadkoordinator så snart som mogleg.
Dersom du har nøklar til bustaden, må du levere nøklane til bustadkoordinator i Ørsta kommune.

Husordensreglar

Ro og orden

Alle dagar mellom kl. 23:00 og kl. 07:00 skal det vere ro i bustaden. Leigetakar har det heile og fulle ansvaret for sine besøkande.
Musikkinstrument, radio, TV, stereoanlegg og liknande må ikkje brukast slik at det plagar naboane.

Sikkerheit

Du må sjå til at felles inngangsdør og dør i kjeller inn til boder alltid er låst

Avfall og skrot

Avfall skal kjeldesorterast i avfallsdunkar plassert ved bustaden.

Anna avfall som gamle møblar eller liknande må du køyre vekk sjølv. Dersom du set det i søppelrom eller fellesareal, vert det kasta utan varsel, og for di rekning.

For enkeltståande bustadar gjeld dette også utomhus eks garasje, boder, veranda, terrasse osv.

Fellesareal

Du må ta vare på plenar, planter, benkar og anna utstyr som tilhøyrar eigedomen, slik at det ikkje vert skada.

Snørydding og plenklipping

Plen og planter som høyrer til eigedomen skal ivaretakast både sommar og vinter. Snørydding og hagestell skal gjerast på eiga tomt/fellesareal (balkong) om dette følgjer leigeobjektet

Dyr

Det er ikkje lov å halde dyr utan skriftleg løyve frå eigedomsavdelinga. Ta kontakt med bustadkoordinator for avklaring.
Det er ikkje lov å mate fuglar fordi det tiltrekk seg skadedyr

Køyretøy

Bilar, motorsyklar og mopedar skal parkerast på anviste plassar, slik at dei ikkje hindrar vanleg passasje og trafikk

Vær forsiktig med bruk at køyretøy på eigedomen. Unngå at motorkøyretøy går på tomgang.

Endringar i bustaden

Du må ha samtykke frå eigedomsavdelinga til å installere vaskemaskin og oppvaskmaskin. Ta kontakt med bustadkoordinator for avklaring.
Du må ha samtykke frå eigedomsavdelinga om å installere lampar, markiser, parabolantenne og liknande. Ta kontakt med bustadkoordinator for avklaring.

Røyking

Det er forbode å røyke i bustaden, jf. pkt. 8 i Husleigekontrakten

Brot på reglane

I leigekontrakta di finn du meir informasjon om kva som er di plikt som leigetakar. Brot på reglane kan føre til at du misser bustaden din.

Dersom naboen din ikkje overheld reglane, kan du sende klage til kommunen via eDialog (for sensitiv informasjon):

eDialog

Flytte frå bustad

Dersom du vil flytte fra bustaden før leigekontrakten di går ut, må du sende ei skriftleg oppseiing til bustadkoordinator. Det er 3 månadar oppseiingstid frå bustadkoordinator mottek oppseiinga, dersom ikkje anna er avtalt.

Skjema – oppseiing

Vil du flytte før leigekontrakta di går ut?

Du må seie opp leigekontrakt skriftleg minst 3 månadar før du vil flytte.
Du må betale husleige for heile oppseiingsperioden, også dersom du flytter tidlegare.Etter avtale kan unntak gjerast ved til dømes dødsfall eller flytting til institusjon.
Flyttar du og leverer nøklar til bustadkoordinator etter frist for utflytting, må du betale leige til og med den dagen du leverer nøklar.

Dette må du gjere når du flytter ut

Når du flytter ut, må du:

Vaske alle golvflater og lister, vegger og tak, skuffer og skap på kjøkkenet, vindu og vinduskarmar, dusj/badekar og toalett.
Rydde ut alle eigendelar fra leilegheit og bod
La litt varme stå på når du flytter ut
Levere nøklar til bustadkoordinator

Dersom du manglar nøklar ved innlevering, må du betale for nye.

Dersom bustaden ikkje er i orden

Er ikkje anna avtalt, skal bustaden vere rein, ryddig og i same stand som da du flytta inn. Unntaket er slitasje som skyldast vanleg bruk over tid og manglar som kommunen si eigedomsavdeling sjølv skal utbetre.

Dersom bustaden ikkje er i orden, må du betale for reparasjonar og arbeid for å sette i stand leilegheita igjen.

Klager og tilbakemeldingar

Feil eller manglar i din bustad eller fellesområde

Skal du klage på noko eller gje ei tilbakemelding på noko som gjelder bustaden din, leigeforholdet ditt eller fellesområde må du ta kontakt med bustadkoordinator. Legg gjerne ved bilde av feilen eller mangelen.

Naboklage

For at Ørsta kommune skal kunne behandle naboklager på en god måte, vil vi at du skal sende oss skriftleg klage. Dette gjelder særleg for problem som varar over lengre tid.

Melder du frå om forsøpling og hærverk, legg gjerne ved eit bilde dersom du har det. Du kan også sende klagen til kommunen:

eDialog

Bråk eller andre akutte problem?

Dersom det er akutte problem som bråk eller annet, bør du ringe Politiet.

Kva seier husordensreglane om støy?

Dette er støyreglene som gjelder i alle eigedomane som er eigd av kommunen:

Alle dagar mellom kl. 23.00 og kl. 07.00 skal det vere ro i leilegheitene.
Musikkinstrument, radio, TV, stereoanlegg og liknande må ikkje brukast i den grad at det plager naboane.
Du har det heile og fulle ansvaret for folk som er på besøk hos deg.

Dersom du bur i ei leilegheit i eit burettslag eller sameige, kan det vere andre regler som gjeld for støy. Informasjon om kva slags leilegheit du leiger, finn du i di leigekontrakt.

Praktisk hjelp i bustaden

Kva skal du gjere, kven kan du ringe, korleis fikse bustaden?

Her finn du informasjon for deg som bur i kommunal bustad og treng praktisk informasjon om bustaden. Som leigetakar har du ansvaret for vedlikehald inne i bustaden.

Nøklar

Har du mista nøkkelen til bustaden eller postkassa di? Ta kontakt med bustadkoordinator for bestilling av ny nøkkel. Pris for ny nøkkel må du betale sjølv.

Har du mista nøkkelen din og er usikker på om andre kan ha fått tak den? Ta kontakt med bustadkoordinator for bestilling av bytte av lås. Dette vert utført av låsesmed og kostnad med bytte av lås må du betale sjølv.

TV og internett

Omsorgsbustadar ved Bakk-ola-marka, Hjørundfjordheimen, Vartdal helsetun og Ørstaheimen:

TV:

har ei TV-løysing som er levert av Tussa/Telia via ein lokal TV-sentral
Denne løysinga gjev deg ein standard kanalpakke frå Telia, i tillegg har kyrkjene i Ørsta sendingar via eigne kanalar. Abonnement på standard kanalpakke er inkludert i husleiga di.

Internett:

her er det tilgengleg internett.
Dersom du ønskjer internettaksess til bustaden, kan du nytte Ørsta kommune sin infrastruktur. Wifi-nettverk SSIKT-PSK er tilgjengeleg og du kan også få tilgang til dette nettverket via kabla nettverk i bustaden din om du ynskjer det.
Tilsette som arbeidar der du bur, kan gje deg kode til dette nettverket. I tillegg til dette, kan du fritt nytte gjeste-nettverket SSIKT-gjest både i bustaden din og i fellesarealet.

Problem/feil: Får du problem med Wifi, så ta kontakt med tilsette ved bygget. Dersom dei ikkje kan løyse det, så tek dei det vidare med kommunen sin driftsleverandør SSIKT.

Vallamarka

TV:

Har ei TV-løysing som er levert av Tussa/Telia via ein lokal TV-sentral.
Denne løysinga gjev deg ein standard kanalpakke frå Telia, i tillegg har kyrkjene i Ørsta sendingar via eigne kanalar. Abonnement på standard kanalpakke er inkludert i husleiga di.

Internett:

Tilgang til tussafiber og du kan som leigetakar sjølv bestemme om du vil ha internettaksess via fiber. Dersom du ønskjer abonnement på fiber, må du ta kontakt med Tussa og ordne dette sjølv.

Problem/feil: Dersom du opplever problem/feil med tenester levert frå Tussa, telefon 7004630.

Alle andre kommunale bustadar

TV:

Ikkje fast etablert TV-løysing.
Du står fritt til å etablere dei TV-abonnement som du ønskjer. Husk å etablere internettaksess først, om ikkje dette allereie er tilgjengeleg i bustaden din.

Internett:

Internettaksess via fiber frå Tussa IKT er installert i dei bustadar der leigetakar ynskjer dette.
Eit standard abonnement med kapasitet 150 Mb/s er inkludert i husleige. Du står då fritt til å etablere dei abonnement på innhaldsleveransar du ynskjer.

Problem/feil: Dersom du opplever problem/feil med tenester levert frå Tussa, telefon 7004630.

Branntryggleik

Ørsta kommune har årleg brannteknisk tilsyn i alle kommunale utleigebustadar.

Røykvarslar

Dersom røykvarslaren lagar eit pip med jamne mellomrom, må du bytte batteri.

Gode råd og tips om førebygging av brann.

Brannslokkeapparat

Du bør sjekke brannslokkeapparatet ditt med jamne mellomrom.

Sjekk at målaren på apparatet peikar mot det grøne området.
Står målaren til brannslokkeapparatet på rødt, meld frå til bustadkoordinator

Informasjon om brannvern på fleire språk finn du hjå Norsk brannvernforening

Gode råd og tips om førebygging av brann.

Vatn på bad og kjøkken

Det renn eller dryp vatn

Dersom det renn vatn heile tida, kontakt eigedom sin vakttelefon med ein gong. Vi bestiller fagfolk som kan hjelpe deg.

Medan du ventar på hjelp, bør du stenge stoppekrana for å stanse vatnet i bustaden. Stoppekran finn du som regel på badet, i ei bod eller under kjøkkenvasken.

Dryp det vatn under vasken når vatnet renn ut? Sjekk kopling og pakning til rør under vasken. Dersom det er sprekk i røra, ta snarast kontakt med eigedom sin vakttelefon.

Kondens/fukt/vassdropar på toalett eller rør er ikkje lekkasje. Det oppstår fordi det er varmt i rommet og kaldt vatn i røra eller toalettet. Då kondenserar lufta til vassdropar på den kalde overflata. Tørk opp vatnet og sørg for god ventilasjon i rommet.

Det er ikkje vatn i krana

Dersom det manglar vatn i krana på kjøkkenet:

Sjekk om du har elektronisk lekkasjestopper (aquastop) i skapet under vasken. Den stoppar vatnet i krana om det blir fuktig i området under vasken. Dersom det er vass-søl under vasken, må du tørke opp og sørge for at det er heilt tørt før ein tilbakestiller aquastoppen ved å trykke på “reset”-knappen.
Spør om naboen din har vatn. Dersom naboen din rett over eller under deg heller ikkje har vatn, tyder det på at det er røyrleggararbeid i bygninga. Sjekk om det er informasjonsoppslag i oppgangen eller postkassa.
Stengt vatn kan også gjelde eit større område der du bur. Sjå om det er annonsert vass-stenging i området der du bur.

Tett vask eller sluk

Reins sluket eller vasslåsen under vasken. Dette bør du gjere med jevne mellomrom, gjerne fleire gongar i året. Korleis reinse sluk (YouTube) Korleis reingjere vasslås (YouTube)
Dersom reinsing ikkje hjelp, bør du bruke flytande avløpsopnar (type Mudin) for å opne opp røra. Ikkje bruk avløpsopnar i pulverform. Pulveret kan stivne og gjere problemet verre.
Dersom dette ikkje hjelp, meld frå til bustadkoordinator.

Tett toalett

Forsøk å stake opp toalettet med ei klosettpumpe/vakuumpumpe.
Dersom dette ikkje hjelp, meld frå til bustadkoordinator.

Temperatur og inneklima

Kald bustad

Det er viktig at du luftar ofte. Fuktig luft er vanskelegare å varme opp enn tørr luft. Sjølv om det blir kaldare rett etter at du har lufta bustaden, vil det gå raskt å varme opp lufta igjen.

Dersom du ikkje luftar kan det bli vanskeleg å få temperaturen opp fordi lufta blir fuktig av for eksempel dusjing og matlaging.

Ein reknar 20–22 grader som god innetemperatur. Dersom det er kaldare enn det i bustaden, sjekk om varmekjelder fungerer som dei skal:

Panelomn: Sjekk av/på-brytar og at stikkontakt er satt i. Sjekk også om termostaten er satt på riktig temperatur. Dersom omnen ikkje verkar som den skal, ta kontakt med bustadkoordinator.
Radiator: Radiatoren regulerer seg etter utetemperaturen. Dersom det er kaldt ute, men radiatoren er kald eller lunken, meld frå til bustadkoordinator.
Varmekablar/ regulator (termostat): Dersom varmekablane ikkje verkar, sjekk om sikringa har gått. Dersom ikkje dette hjelper, meld frå til bustadkoordinator.

Kald trekk fra vindauga

Har du panelomn under vindauget? Denne må stå på for å varme opp den kalde lufta som fell ned fra vindauget når det er kaldt ute. Dersom du manglar panelomn i eit rom med vinduer, kontakt bustadkoordinator slik at vi kan montere en ny omn heime hos deg.

Dårleg luft i bustaden

Ventilasjon er viktig for å ha eit godt innemiljø. Dette kan du gjere for å få betre inneluft:

Alle ventilasjonsluker bør vere opne heile året. Du finner desse øvst på vindauga og/eller på veggen.
Opne vindauge/balkongdør og luft ut i nokre minutt kvar dag.
Tørk vekk vass-søl for å unngå fukt.
Skru kjøkkenvifte på før du tek til å lage mat
Hald bustaden rein og ryddig.
Ikkje sett møblar, særleg seng og sofa, inntil ytterveggar. Dette kan gje gode vekstforhold for mugg og sopp. La det vere minimum 10 centimeter avstand til veggen.
Hald gardiner opne. Dersom gardiner er lukka, vil det danne seg fukt mellom vindu og gardin som vil gje gode vekstforhold for mugg og sopp i vinduskarmen.
Dersom du har fått mugg/sopp på glatte flater i bustaden, kan du vaske det vekk med Klorin (1 dl per liter vann). Klorin drep mugg og sopp. Du får kjøpt Klorin i vanleg daglegvarebutikk.
Dersom det har komt sopp/mugg på gipsplater, sponplater eller andre porøse material, må vi kanskje bytte ut deler av veggen. Meld frå til bustadkoordinator slik at ein fagperson kan kome til bustaden og undersøke problemet.

Elektrisitet og kvitevarer

Komfyren verkar ikkje

Har du komfyrvakt? Dersom den pip, trykk på knappen på komfyrvakta for å vise at du er til stades. Dersom du ikkje trykker på knappen, kuttar komfyrvakta til slutt strømmen til komfyren din. Då må du skru av alle plater, trykke på knappen på komfyrvakta og skru komfyren på igjen. Nokre komfyrvakter går på batteri. Dersom batteriet er tomt, sjå korleis bytte batteri i denne videoen (lånt med Oslo kommune).

Har du sjekka om sikringa har gått? Nokre sikringsskap har ikkje kapasitet til at du nyttar alle platene og stekeovnen samtidig. Skru av alle platene og steikeovnen og vipp opp sikringen eller bytt sikring dersom det er gamal type sikring. Slå på ei og ei plate, men ikkje alle på fullt.

Dersom dette ikkje hjelper, kan det vere at komfyren er øydelagt. Ta kontakt med bustadkoordinator.

Kople til oppvaskmaskin på kjøkkenet

Sjekk er om det er opplegg for oppvaskmaskin i bustaden du leiger. Det er eiga kran og eit avløpsrør for dette under vasken på kjøkkenet dersom du har opplegg for oppvaskmaskin.
Dersom det ikkje er opplegg for oppvaskmaskin i bustaden, ta kontakt med bustadkoordinator.
Når du har skaffa oppvaskmaskin, ta kontakt med bustadkoordinator for bestilling av autorisert røyrleggar. Dette fordi du kan bli heldt økonomisk ansvarleg for vass-skade dersom oppvaskmaskina vert kopla opp feil.

Skifte lysstoffrøyr

Er lysstoffrøyrt gått? Slik skiftar du (video lånt av Oslo kommune).

Straumen er borte

Straumen går når ein brukar meir straum enn sikringskursen er berekna for.

Sjekk i sikringsskapet til bustaden din om:

Ei sikring er gått:

Dersom du har skrusikringar, må du sette inn ei ny sikring.
Dersom du har automatsikringar, kan du vippe brytaren opp igjen.

Jordfeilbrytar lyser rødt og/eller pip. Dersom dette skjer, må du:

Kople ut strømmen til alle elektriske apparat i bustaden
Vippe opp sikringen
Sette inn ei og ei stikkontakt igjen. Start med vasskokar, brødristar, hårfønar, støvsugar og liknande. Det er ofte dei som kan slå ut jordfeilbrytaren.

Dersom ingen sikringar er gått, kan det vere at strømmen er borte i heile bygninga du bur i eller eit heilt område. Sjekk for eksempel om naboen har strøm, eller sjå på infotavla i oppgangen om det er planlagt strømutkobling.

Kjøkkenvifta verkar ikkje

Dersom kjøkkenvifta trekk dårleg, kan det vere fordi den treng ein reins. Reingjer filteret som sit oppe i vifta og tørk bort fett.
Dersom kjøkkenvifta ikkje trekk i det heile teke, meld frå til bustadkoordinator. Vi hjelper deg med å få reparert vifta eller sette inn ei ny kjøkkenvifte.

Skadedyr

Dei fleste dyr og insekt vi finn inne er ikkje farlege, og det er vanleg at nokon av desse dukkar opp i bustaden frå tid til annan. Dersom det er mange dyr eller insekt, er det eit teikn på at du må halde leilegheita di reinare (mathandtering, søppelhandtering og reinhald).
Dersom du oppdagar veggedyr, kakerlakkar, mus eller rotter, meld frå til bustadkoordinator. Vi bestiller skadedyrkontroll og sørger for sanering.
Er du usikker på kva slags dyr eller insekt du har funne i bustaden, kan du ta eit bilde og sende det inn til oss. Vi kan sjekke kva slags dyr eller insekt det er.

Veggedyr

Veggedyr er et aukande problem i Noreg. Les meir om veggedyr og kva du kan gjere for å unngå det hjå Folkehelseinstituttet.

Pusse opp sjølv

Det er ikkje tillate å pusse opp sjølv.