03.10.25 08:38 Svært kraftige vindkast, oransje nivå

Varsel frå Meteorologisk Institutt for Indre strøk og fjellet i Sør-Norge
Gyldig: frå fredag 3. oktober kl. 18:00 til  laurdag 4. oktober kl. 17:00.

Kva kan skje? Lause gjenstandar kan bli tekne av vinden, og utgjere fare for liv og verdiar. Hindringar i trafikken: Vegar kan bli stengde på grunn av tre eller andre objekt i vegbana. Mange reiser kan få lengre reisetid. Bruer og utsette vegstrekningar kan bli stengde. Snøfokk gir moglegheit for stengde vegar på fjellet: Snøfokk i fjellet gir redusert sikt og moglegheit for kolonnekøyring eller stengde vegar. Fare for straumbrot: Fare for skade på infrastruktur. Straumforsyninga kan bli påverka, til dømes som følgje av tre som knekk eller kjem i kontakt med straumnettet.

Meir informasjon på varsom.no

01.09.25 Skår ferjekai opna
No er det gjort utbetringar på brua og den skal tole trafikk igjen. I den komande to- årsperioden vil kommunen, i samråd med Tussa Energi og eventuelt andre, vurdere om det er mogleg å skifte ut eksisterande bru med ei nyare til ein kostnad som er rekningssvarande, for kommunen og samfunnsøkonomisk. Dette vil vere eit spørsmål som det må takast stilling til på politisk nivå.

27.05.25 Skår ferjekai stengt
I samband med arbeid på Skår ferjekai har Ørsta kommune motteke uromelding frå entreprenør om tilstanden på køyrebru/brufront. Det er avdekt at konstruksjonen på køyrebru/brufront er alvorleg svekt, noko som utgjer ein stor risiko for tryggleiken. Kommunen vedtek difor å stenge ferjekaia for all trafikk inntil ein har fått vurdert styrken på køyrebrua.

07.08.25 Kloring av drikkevatn: Åmdalen Grunna sporadiske funn av uønskte bakteriar i drikkevatnet i område frå Høgebrua og fram til Bondalseidet har Ørsta kommune ei tid tilsett klor. 

Klor vert dosert i pumpestasjon ved Høgebrua. Derifrå vert vatnet distribuert vidare til Åmås, Legene, Åmbakk, Brautaset, og heilt til Bondalseidet.

Kvalitet på alt kommunalt drikkevatn vert kontinuerleg overvaka og kontrollert jamfør eigen plan for prøvetaking i samsvar med Drikkevassforskrifta. Etter at klordosering vart sett i gang har vi ikkje hatt avvik knytt til bakteriologisk kvalitet i forsyningsområdet.

Kommunen har motteke meldingar frå abonnentar i Åmdalen om klorlukt og -smak på vatnet levert frå kommunal vassforsyning. Restklor er mengde klor i vatnet etter desinfeksjon. Restklormengda, smak og lukt av vatnet, vil variere noko avhengig av mellom anna nærleik til doseringspunktet. Jamlege målingar av restklorverdiar syner at innhaldet er i nedre sjikt og innanfor krav i retningsliner frå Mattilsynet, uavhengig av prøvestad.

Kloring av drikkevatn i området vil halde fram til vi har funne årsak til forureining og sett i verk permanente tiltak.

29.10.24 Drikkevatnet for kommunale abonnementar frå Høgebrua og til og med Bondalseidet blir svak-klora då det er oppdaga bakteriar som kommunen ikkje har funne kjelda til. Kommunen jobbar kontinuerleg for å løyse problemet. Abonnementar blir oppdatert via SMS-varsling.

18.11.24 Vinterstengt/sommarope veg: Vatnedalen/Aldalen
Vegen Vatne–Hunnes (Aldalen) opna torsdag 27. mars kl. 10.00. 

29.10.24 Bassenget i Ørsta er stengt på ubestemt tid
Årsak er svikt i ventilasjonsanlegget og tilhøyrande kondensering.  Fukt har metta takplater som risikerer å falle ned. Bassenget er stengt på ubestemt tid.